| Parlamentario mr. Xiomara Ruiz-Maduro (MEP): Linear Park e luna aki ta cumpli 1 aña di retraso y no tin fin di keda cla |
 |
 |
| Sunday, 16 September 2012 15:07 |
|
For di cuminsamento caba tabata bisto cu e proyecto aki lo bira un fracaso na man di Gabinete Eman. Gobierno a entrega e proyecto simpel aki di 9 miyon florin na un contratista Venezolano Prosuinca pa mitar di e prijs y aki ta na unda e cosnan a bay robes. E proyecto no tin fin di keda cla, trabounan ta di mal calidad, klinker mal poni, matanan di coco caro cu ta muriendo pa falta di mantencion, un boardwalk cu no ta cla y un casita bandona. Ta e unico cos cu ta cla ta e tantisimo palo di luz riba e parke aki. Riba dje tin indicacion cu e compania Prosuinca a bandona nos Pais lagando e proyecto aki na mitar. Esaki nos por a spera caba ya cu e compania aki a wordo saca for di e registronan na Venezuela y no por haci trabounan di construccion pa Gobierno Venezolana. Pero aki na Aruba nos Ministernan Otmar Oduber y Benny Sevinger a sera wowo pa e berdad ey y a duna e compania aki e trabounan aki lagando otro contratista serio sin trabou. Ainda nos por corda con den prensa nos ministernan Oduber y Sevinger y tambe e director di DOW a sigura nos cu tur cos ta ok cu e proyecto y no tin nada malo cu e compania cu lo traha e Linear Park. Hasta a bisa nos cu e prijs mas abou ta debi cu e trabou mas grandi, cual ta ponemento di e klinkersnan lo wordo haci pa machine. Awe nos sa mihor, no ta machine, sino hende a pega e kilnkers nan y como cu e hendenan aki no tabata wordo paga drechi, hopi a bandona e proyecto cu e consecuencia cu awe e proyecto tin un retraso di 1 aña caba. E preguntanan cu ta surgi awor ta, ki dia Minster Oduber tin pensa di bisa nos cu e proyecto aki no por wordo caba pa Prosuinca? Ki dia e director di DOW ta bay bisa nos cu e proyecto aki di berdad no por a wordo haci pa mitar di prijs? Ki dia e director di DOW ta bay bisa nos cu e compania Prosuinca a deliver trabounan di calidad inferior? Ki dia Minister Sevinger ta bay sali bisa nos cu ta DOW mes lo mester caba e proyecto aki? Ban spera cu e Ministernan concerni y tambe e director di DOW pronto lo sali duna claridad riba e destino di e proyecto di Linear Park cu e luna aki ta cumpli 1 aña di retraso y no tin fin di keda cla. Comentarionan (6)Mustra/Kita comentarionan ...
pffff, ta kiko boso sa di keda cla of no, boso nunka no ahasi nada pa pueblo di Aruba so no kritika tampoko. Stop di yora y bin cu cosnan concreto pa nos Aruba of sera boka y sinta na banda laga otro traja. Sopi pura ta sali salu, y cos cu Calida ta tuma tempo. So STOP DI ZUER OHM.............
,
September 16, 2012
...
E LIARS Park aki ta caba te otro anja september. Mester duna e mentirosonan berde chens pa hinca mas MENTIRA BERDE den e park y e ultimo piedra berde ta wordo poni un dia promer cu eleccion.
,
September 16, 2012
...
A boso nan a frega nos 8 anja largo cu e maldita BBO te ainda mi no por recupera
mi placa bek, pa e bai na sero bek 0 % Stop di perde bo tempo cu cement worry cu nos cartera. Busca cos nan util pa Pueblo.
,
September 16, 2012
Duna Comentario y/of Comparti riba Social Medi |
Mustra/Kita e formulario di comentario
