| Segun MEP: Biahe di Promer Minister y Presidente di Parlamento pa Hulanda ta un snoepreis |
 |
 |
| Monday, 17 September 2012 10:33 |
 Cu nos flamante promer minister Mike Eman gusta biaha y principalmente pa Hulanda ta bisto caba pa pueblo! Pero cu e ta hasi esaki na un momento cu nos pais ta conforntando problemanan financiero grandi y cu hopi famia ta biba den angustia y un futuro insigur esaki si no a cai den bon tera cerca pueblo!
E biahe di Mike Eman y President di Parlamento Paul Croes pa Hulanda no por wordo jama otro cos cu nan a fix un snoepreis pa nan mes! Un biahe sin sentido y puro malgastamento di placa di pueblo! Ta cuanto hende mas lo ta biaha den rabo di promer minister Mike Eman ariba custia di pueblo? Ora nos tende promer minister bisa cu e ta bai pa prinsjesdag diamars awor anto e lo probecha pa sera acuerdonan nobo cu e gobierno nobo pueblo no por jega na otro conclusion cu Mike Eman no por ta serio of e ta hunga atrobe cu inteligencia di pueblo! Pa cuminsa e discurso di La Reina y presupuesto 2013 di pais Hulanda lo bai conoce hopi cambio despues cu gobierno nobo keda forma! Pa motibo cu e signatura di e gobierno lo cambia momento cu Partido PvdA (Partido di Obrero) drenta gobierno! Awor aki no tin ningun gobierno, sino e mesun demisionario! Tur esnan cu ta sigui poliitca hulandes sa cu ta awor e informador Henk Kamp a caba di combersa cu e lidernan di fraccion den 2e kamer y cu ta te diahuebs awor e lo informa 2e kamer di esaki y ta cua partidonan lo kier of ta dispuesto pa traha den un coalicion! Promer minister Mark Rutte mes a declara maske e ta dispuesto pa traha cu PvdA cu e negosacionnan lo bai tuma hopi tempo en bista cu entre VVD y PvdA tin algun diferencia fundamental ariba cierto terenonan. Momento cu jega na un acuerdo mes entre VVD y PvdA esaki sigur lo bai tin consecuencia pa e maneho y presupuesto 2013. E.o. VVD kier corta drastico den e presupuesto mientras cu PvdA no ta mucho di acuerdo pa corta den gastonan pa esnan cu ta depende di uitkering, pensionadonan y sigur no den salubridad publico manera cu VVD kier! Anto con Mike Eman kier bende pueblo cu e kier bai papia cu e gobierno nobo si no tin gobierno nobo ainda! VVD y PvdA hunto tin un majoria di 80 asiento den 2e kamer y en principio no mester di ningun otro partido! Kizas Mike Eman ta bai lobby cerca Mark Rutte pa e hinca CDA, nan partido aliado, tambe den e coalicion! CDA manera conoci a caba di hanja un derota y rechazo historico for di pueblo hulandes! Esey ta e unico motibo cu pueblo por pensa cu Mike Eman kier bai Hulanda! Otro motibo no tin! Pasobra e deroche di placa ta sigui! Ta un abusador di placa di pueblo so por hasi algo asina! Esta fix un snoepreis y de paso hiba e president di Parlamento cune pa kizas duna un tiki mas peso na e delegacion! Lamentabelmente e biahe di Mike Eman y delegacion ta otro malgastamento di placa! Aruba a caba di fia 250 miyon dollar y kizas Mike Eman kier meen lage gasta poco di e placa aki! September 2013 ta jega mas liher cu Mike Eman y AVP ta kere y pueblo sigur lo pone un fin na e mal maneho y deroche di placa aki!
Comentarionan (11)Mustra/Kita comentarionan ...
Awor loco berde a perde streya di nort full! E megalomaniac ta kere cu nan tin mester di dje pa forma gobierno nobo di Hulanda y sigur e ta bay 'exigi' pa pone CDA back den gobierno paso, con partido satelite berde aki na Aruba por funciona sin 'mama' den gobierno Hulandes, con e catibito berde por funciona sin amo blanco? Otro fuentenan berde ta bisa cu el a bay Hulanda pa traha fachada berde serca e 2 partidonan grandi pa nan no bin investiga e caos politico na Aruba (sorto di damage control) y sigur prins berde of chochito real mester tey durante Prinsjesdag ora anja nobo di parlamento HULANDES habri, un foto moment pa nos min- minus pres kesha-camara. Su maleta tbt yen cu 10 tomo di bukinan di mentira berde. Algo nobo? Sigur cu no: ganjamento con green nos ta (si berde AVP), e positivismo cu 500 trahador no tin trabao y economia cu ta 'booming' (den nan sonjo). En breve,un trip pa saca portret, plama mentira y cuddle up cu amo Hulandes y famia real.
,
September 17, 2012
...
Despues di 3 anja nos por waak cu na Aruba tin mesun kkda di semper. E unico diferencia ta, cu e plaga di muskita cu bula rond no ta geel mas, awor nan ta berde.
,
September 17, 2012
...
1. Tempo cu mep ainda tabata un partido di 11 te hasta 12 asiento mep no a kibra su cabes tanto cu pueblo y definitivamente no a busca e interes di pueblo semper na promer lugar! Awe cu e partido diabolico aki a bira un partido chiripero, e palabra "PUEBLO" tur ora bay ta riba nan lenga. Tambe nan no ta cansa di minimaliza y bagateliza e importancia y grandeza di nos actual MinPres. Tur loke ta nan mesun cualidadnan cu tur hende aki na Aruba ya conoce, nan ta purba squeeze riba nos MinPres. Segun nan mente diabolico nos MinPres lo ta un mentiroso patologico, cu ta gusta viaha pa loco y cu ta gusta show. Tambe cu nos MinPres no lo tin un bista cla di kico ta sosodiendo aki na Aruba. Encambio tur rubiano di bon curazon ya sa masha hopi bon mes, cu esakinan ta meramente y tipicamente "E" cualidadnan di mep!
,
September 17, 2012
...
Asina Evelyn ta sigui manda cos sushi aden bou di MEP? Pone bo nomber pa nos por contestabo. Pasobra cu tur e cos di Valero aki bo a keda keto. Mayan nos ta publica cua oficina di abogado a strika tur placa di mundo cu Coastal-El Paso y Valero.
,
September 17, 2012
...
Pa MEP tur cos ta snoepreis, menos tempo cu nan a bay cu 30 of ta 40 hende na India y China! Esey so lo a cover pa henter 8 aña di viahe pa Hulanda! Constantemente minister y secretarionan di estado Hulandes ta na Aruba, vice versa, di parti di Aruba tambe mester tin e reunionnan aki. Nos ta den reino. Awo MEP no ta comrponde e cosnan aki, ta pesey pa 8 aña largo nan tabata rabia cu Hulanda, Corsow, St. Maarten, KLM, Carnival Cruises enz. Pa 8 aña largo, nan tabata rabia cu Hulanda. Pa kiko, kiko nan a gana cu esey? Porkeria, esey so!
,
September 17, 2012
...
nos mester cende tur bandera di mep na candela ..mester caba cu e partido aki pa caba ........candelaaaa
,
September 17, 2012
...
mientras nel a caba cu ARUBA su yui ta cana nanishi tur blanco y ta NE so L Ta kere cu ta donuts e la come
    
,
September 17, 2012
...
ken a gana monton di placa na merca??????? yui di Nell.... awen dia boso tur ta core auto riba 100 mill florin y NEL un bmw di 200 mil florin com on om .... TA basta cu e eganjo di partido mep
2013 MIKE EMAN TA GANA ELECTIONS NA ARUBA
,
September 17, 2012
...
Manera hopi politico ta hasi -y no na Aruba so- den oposicion ta keha keha y keha y hasi hopi boroto. Pero bin cu solucion berdadero?? Duna un bon ehemplo, y no un bon yoramento!
,
September 17, 2012
...
Eveline puntra Edison cuanto biahe e a haci durante cu e tawata minister y cuanto e gasto nan total tawata ta y mescos boso ex lider? Djis puntra nan kiko y cuanto ta e gasto nan total di nan viahe nan y cuanto pa cada viahe a wordo gasta durante e 8 aña di gobernacion di MEP anto cuanto di e viahe nan aki no tawata pa bay purba keha gobierno di reino. E unico cos cu e partido ey a haci semper ta broma cu nan tin un gobierno legitimo cu 12 asiento y despues 11 asineto y cu ningune hende no tin nada di bisa nan. Boso a goberna na un forma hopi sera pa no yam'e dictactorial y te hasta hiba campaña contra madre patria. Boso a zorg bon pa friends & family y lubida pueblo y awor kier bin papia den nomber di pueblo. Cu ki authoridad bo ta haci esey acaso mayoria di e pueblo a duna bo e mandato pa papia den nan nomber?
,
September 18, 2012
Duna Comentario y/of Comparti riba Social Medi |
Mustra/Kita e formulario di comentario
Hende ta drumi lanta tur dia, Mep ta drumi lanta tur dia ta Negativo. Shonnan busca algo positivo
pa bisa, y stop di manda energia malo riba e Pais aki please.