 Ta papia aki di oportunidad cu ta habri no solamente pa Aruba pero tambe pa Hulanda. Eman un biaha mas a ilustra tur loke cu Gobierno di Aruba a bin ta haciendo pa estrecha e lasonan, pa traha den un forma cu cada partner ta igual. Basa riba esaki a logra establecimento di p.e. TNO y Rietveld Academie riba e isla. Esaki y tur otro colaboracionnan ta permiti pa expande e relacionnan riba tereno cultural, economico, enseñansa, entre Aruba y Hulanda, vice versa. Poco-poco na Hulanda, segun Eman, ta mirando e balor agrega di e relacion nobo cu Gabinete Mike Eman a bin ta presenta for di momento cu nan a cuminsa cu gobernacion. Premier Eman no ta cansa di bisa cu e posicion strategico di Aruba den Caribe y cerca di Latino America, ta ofrece un oportunidad unico na e partner Europeo Hulanda, pero tambe Europa, pa uza Aruba su conocemennto, contacto y cercania di e region pa ta e hub pa hopi desaroyo social economico. Poco-Poco ta mira cu door di insistencia di e vision di Aruba, Hulanda ta captando e mensahe ariba menciona.
Gabinete Mike Eman a bin ta trahando cu varios organisacion y institutonan na Hulanda y ta yega e punto pa logra un apoyo mas grandi pa e pensamento di Aruba riba e cooperacion cu por surgi. Pesey Premier Eman ta kere cu si logra haya apoyo di e Gobierno cu ta bay sinta awor na Hulanda, pa sigui cu e cooperacion manera esun ariba menciona, Aruba lo por avansa hopi. Den combersacion cu e mandatario Arubiano tabatin cu Rutte, ya caba el a priminti di lo haci nan esfuerso maximo, ora nan drenta Gobierno, pa e acuerdo di cooperacion por haya su maximo contenido. E ora ey "nos lo bay mira sigur un par di e tipo di institutonan ey importante pa enseñansa, cultura, economia", cu lo crea mas pilar economico, basa riba conocemento di Aruba. Pa loke ta e speculacionnan cu Mark Rutte probablemente ta bolbe bira Prome Minister, Eman no kier a duna comentario riba e punto specifico aki. Loke si e por bisa cu e tempo cu el a experencia Mark Rutte como Prome Minister, e tabata hopi positivo, mescos cu Balkenende, cu tabatin un curason hopi grandi pa Aruba y cu atencion special.
 |
Mustra/Kita e formulario di comentario
