|
Minister Michelle Hooyboer a celebra su aña na Parke Arikok hunto cu departamento y fundacionnan bao di su maneho |
 |
 |
|
Friday, 21 September 2012 08:22 |
|
Diahuebs mainta na Parke Nacional Arikok invitadonan di e diferente departamento y fundacionnan cu ta resorta bao di e maneho di Minister Michelle Hooyboer-Winklaar a topa cu e mandatario, brindando e un caluroso bon bini, y asina a habri e dia cu n’e ariba su hacimento di aña.
Musical Friends hunto cu tur esnan presente a canta “Happy Birthday” pa e cumpleañera cu entusiasmo. Director di Fundashon Parke Arikok, Sr. Diego Marquez a desea tur hende bonbini y un dushi dia y siguiente Presidente di Fundacion Parke Arikok, Sr. Greg Peterson, a felicita e minister riba su dia y tambe a gradici’e pa a declara e shoco como un simbolo nacional di Aruba. Como un gesto hopi special, Sr. Peterson a presenta e prome moneda cu e emblema di shoco ariba dje na Minister Hooyboer-Winklaar. E mandatario a keda hopi contento cu e regalo unico aki. Despues di e discursonan tur presente a wordo invita pa disfruta di un dushi desayuno y por a combersa cu Minister Hooyboer-Winklaar.
 |
Mustra/Kita e formulario di comentario
