| Premier Eman: Reunion cu Minister de Jager tabata hopi positivo |
 |
 |
| Friday, 21 September 2012 20:56 |
|
Prome Minister Eman a splica cu den e acuerdo di cooperacion cu a wordo firma durante e gobernacion aki, a inclui diferente aspecto cu lo por beneficia Aruba. Y un di nan ta cooperacion riba tereno di finanza cu Aruba. Pais Aruba tin diferente pensamento caminda cu Hulanda lo por tin un efecto positivo, pa su grandura, riba e proceso financiero pa Aruba. Hulanda aworaki ta fia placa riba mercado internacional na un interes hopi abou, casi cero porciento tin biaha. El a sigui bisa cu Aruba toch recientemente a logra un prestamo na un record hopi abou di algo mas cu 4%, compara cu pasado, e ta un record positivo. “Nos ta kere cu por tin un modulo cu nos ta participa hunto cu Hulanda riba mercado internacional y goza kisas di un interes di 2%. Un interes asina riba un debe total di 1.6 biyon dollar ta haci un gran diferencia riba nos presupuesto y trece Aruba hopi mas lihe cerca di e presupuesto balansa cu nos ta desea pa nos pais. Esaki ta e tema cu nos a discuti cu sr. De Jager y a yega di toca e tema aki tambe tempo di Gabinete Balkenende y despues Rutte.” Den cuadro di esaki el a bisa cu e ta pensa riba e modulo, ki tipo di garantia por duna na Reino cu si nan yuda Aruba den e proceso aki. Eman a sigui comenta cu loke si semper a bisa cu e model di CFT di Corsou no ta aceptabel pa Aruba. E motibo ta den esaki e Gobierno ta traha un presupuesto y si no cumpli cu cierto criterianan, e parti aki ta wordo huzga den Conseho di Minister di Reino y cu e consecuencia cu e presupuesto ta wordo cancela. “Nos no ta kere cu e no ta modulo cu ta bon pa e clima di paz cu mester tin den Reino. Aworaki mes tin hopi friccion entre Corsou y Hulanda, hasta cu Hulanda. Pesey hunto cu Minister de Jager, Aruba ta pensando ki otro modulonan tin cu por garantisa e obhetivonan positivo poni pa p.e. yega un presupuesto balansa; con ta mantene na e 3%. Premier Eman a enfatisa cu no ta pidiendo Hulanda pa paga e debe di Aruba, sino ta mira e posibilidad pa subi mercado cu un pais grandi cu ta haya un interes mas abou. E palabracion final ta pa pensa hunto riba un modulo cu ta nifica un bon maneho financiero, cu ta bon pa e pais, y ta duna esnan cu ta coopera e confiansa cu Aruba e confiansa cu ta cumpli tambe. Finalisando Premier Eman a enfatisa cu e reunion tabata uno hopi positivo.
Comentarionan (9)Mustra/Kita comentarionan ...
Tristo di wak nos PM ta fungi como salesman di macambanan i no ta gobernando Aruba drechi , tur locual PM ta hasi ta traha fama i promocion pa su mes un persona anto lagando interes di Aruba su economia un banda tranca na unda pueblo tin cu bai paga e debe nacional cu MP a laga bira 2x te cu 500 miyon . Na 2009 tur cos twt 25 cent awor tur cos ta 50 cent esaki ta dies un voorbeeld con tristo nos como Arubiano tin cu soporta tur mal maneho di gabinete eman !
,
September 22, 2012
...
Tur cos a bay "positivo". Kiko esey significa pa nos. Cos aki na Aruba ta bay drecha???
,
September 22, 2012
...
Cada biaha cu MinPres papia di "Sumamente Positivo", entre otro trahador di Valeronan ta wanta nan curason hopi duro, paso den e mundo di e MP aki tur cos ta "Roze geur en Maanen schijn"... si ni EMCO mes e por a manage y a mande 4 biaha failliet, ta kiko lo ta Aruba !!!!
,
September 22, 2012
...
Asina mes constant ta papia cu cos ta kana positivo pero nada bo ta wak ta mas caro cos ta bira I ta mas criminalidad bo ta haya. Anto e salario nada pero cos ta kana positivo? Claro pa bosonan danki na pueblo cu ta traha duro
,
September 22, 2012
...
Cu e biS**ta aki di minister menospreciodente, nos ta hopi mas preocupa cu antes. Bo mester ta den un crisis profundo di DENIAL cu CDA a perde barbaramente, nan asientonan a wordo corta na MITAR, nan a bira un partido di pieu cu no ta bin back den gobernacion. Sr Mari- de Jager ta bay jaag na Brussel paso den proximo gobierno e'n tin nada di bisa y e no kier baha su mes pa bay sinta den 2e Kamer (parlamento). Lider berde sigur a perde streya di nort pa 'yena' su agenda cu meetings cu un partido di loosers cu a wordo rechaza masalmente door di Pueblo inteligente Hulandes. N'e otro banda ta comprendibel cu e yiu berde no kier acepta cu su mama a baha di un reina pa un mendigo. Keep on dreaming green papucho!
,
September 24, 2012
Duna Comentario y/of Comparti riba Social Medi |
Mustra/Kita e formulario di comentario
