Alarmante” ta e palabra corecto pa describi e ola di atraco cu ultimamente ta azota nos pais Aruba.Pa gran parti e situacion aki ta consecuencia di e maneho desastroso di e Gabinete Mike Eman pa loketa trata e maneho entorno inmigracion. E dos ministernan culpabel pa esaki ta Dowers y Sevinger; e ”open door policy” cu ta permiti individuonan cu un pasado criminal drenta Aruba, combiná cu eaparente amnestia y e extension di e “toeristisch verblijf” te cu 180 dia, ta e mayor causa pa e nivel dicriminalidad.

Ademas, manera mi a mustra anteriormente caba, e maneho aki tambe ta aumenta substancialmente
e riesgo di contagio cu malesanan cu normalmente nos no conoce na Aruba. E consecuencianan di e
maneho "free for all" riba inmigracion pues, fuera di Dowers y Sevinger pa locual ta trata e seguridad,
tin otro faam, esta minister Visser, pa e simpel motibo cu e ta tolerá cu salubridad di nos pueblo tambe
ta wordo afectá severamente.

Pa locual ta trata e atraconan, lamentabelmente awor un local, pa colmo bastante conocí den nos
comunidad, tanto pa su compañía di seguridad, como pa su supuesto relacion cu e tal Otmar, y cu otro
politiconan di e gobierno aki, minister y parlamentario, ta haci su mes culpabel na tal fechoría.
Pa desvia e atencion riba su relacion cu e persona aki - otro smoke screen pa cua e gobierno aki ta
masha conocí -, Otmar ta referí na sr. Farro d.f.m., di kende Otmar ta insinua cu lo mi a nenga mi
amistad cu n’e. Kiko e relacion aki tin di haci cu e fechoría di e guarda-espalda di Otmar, ta Otmar so lo
por splica; pa mi e ta “sla als een tang op een varken”, pues e tin ni pia ni cabez!

Algun dia pasá minister Dowers a declará cu atraconan contra turista lo mester wordo castigá mas
severamente. Palabranan bashí ? Of Dowers porfin ta bay mustra cu e TIN caracter y curashi pa mishi cu
e brother di Otmar?
Mientras cu Ministro Dowers ta sigui trata di convence pueblo cu AINDA tur cos ta culpa di e gobierno
anterior.
Ta 5 pa 12, y 2013 ta den porta, y ainda Parlamento ta wardando riba e Beleid/Maneho riba criminalidad
di Minister Dowers cu desde 2009 e no por a producí. Na lugar cu sr. Dowers ta sinta critica gobierno
anterior, mihor sr. Dowers cuminsa traha riba e maneho ey pa caba, pa asina sikiera Parlamento por
tin un bista riba su mal maneho of miho bisá su falta di maneho, pa asina mustra pueblo e berdad di SU
maneho, pa cual SU persona so lo mester bai carga e responsabilidad riba esaki !
Y e ora ey, su mes por saca su conclusion y tene honor na su mes y entrega su retiro. Ta asina ey so, e
anti-Arubiano aki, por hasi nos Patria Aruba un fabor grandi pa caba.

Comentarionan (5)

Mustra/Kita comentarionan

...

De goede oude tijden. Onder geel was er geen criminaliteit!
Geen overvallen, geen autodiefstallen, geen inbraken, geen friends & family!
Dat mijn auto toen gestolen was moet ik hebben gedroomd.
Dat erbij de buren vaak werd ingebroken moet ik hebben gedroomd.
Dat politici zich verrijkten moet ik hebben gedroomd.
Dat er een epidimie van dengue was moet ik hebben gedroomd.
Booshi - Keep on Dreaming!

Pika , December 10, 2012

• 
• +6
• 
• 

...

Booshi ta bin cu e atracadornan peligroso di venezuela cu su boto pa tira atraco anto despues tira c*lpa riba e ministernan y polis cu nan no ta hasi nada booshi bo nuMber tey hunga sigui bay venezuela cu bo boto tur weekend anto trese e malechornan aki oyo pueblo

piscador rubiano , December 10, 2012

• 
• +9
• 
• 

...

kiko e minister nn tin di haber pa tur cos nn kier hunga politika pa haya voto den e proximo eleccion lagi nek men ban ta serio kiko booshi kier pa Dowers bai eifo buska e atracador su mes ban ta serio e cos aki ta serio Booshi

JO , December 11, 2012

• 
• +2
• 
• 

...

Sigi defende un gobierno cu no ta hasi nada cu stranjero. Habri porta panan cu 180 dia anto nan no tin plaka sin trabow. Kiko bo ta kere cu nan ta bai hasi. Booshi masha bo tin razon! Bin bek cu Swiss model proximo elekshon.

Veneranda , December 11, 2012

• 
• -3
• 
• 

...

Mi tin un problema cu e ponencia di sr. Wever. Tin datonan cu ta mustra cu ta estranhero ta esnan cu ta cometiendo tanto fechoria? Mi ta kere cu ta bira tempo pa un y tur realisa cu majoria di l****nisia, atraco etc ta wordo comete dor di nos mesun Arubianonan di pura sepa. Nos mester stop di ganja nos mes y realisa once and for all cu nos norma y balornan a bai perdi for di masha tempo. Cu ta riba nos mesun deliquentenan nos mester dirigi tur nos esfuerzonan pa purba trece nan bek riba e caminda corecto. Locual si cu e tin rason, ta cu te ainda ningun hende a sinti y ripara cu Minister di justicia tin un manejo cla y raspa con pa enfrente e hamposonan. Ta manera un manejo 'ad hoc' tin cu ta reaciona riba incidentenan y core bai prensa pa haci 'damage control'.

Chandrikapersad , December 11, 2012

• 
• +1
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi