Tuesday, 29 July 2014
Prome Minister Mike Eman hopi satisfecho cu reunion cu minister di Defensa di Hulanda Jeanini Hennis Plasschaert Print E-mail
Tuesday, 11 December 2012 19:48

eman mindef

Den entrevista cu Prome Minister Mike Eman el a papia riba un reunion cu e tabata tin na Hulanda cu Minister di Defensa Jeanine Hennis Plasschaert. E tabata un reunion pa ser conoci cu otro, y minister president a bisa cu e reunion aki tin un balor halto. 

Cosnan importante a keda confirma den e bishita aki. Prome Minister Eman a splica cu e importancia di e reunion aki ta debi na e presencia di e base di Marina Hulandes na Aruba y cu mey mey di e plan di austeridad cu a cuminza cu e gobierno anterior di Hulanda, hunto cu gobierno di Aruba hopi esfuerzo a wordo haci pa e base aki keda na Aruba.Pa e mandatario tabata importante di a constata cu e minister nobo di Defensa ta duna e base aki su importancia y cu e tin e mesun firmeza cu e gobierno anterior pasobra e no ta importante pa Aruba so pero tambe pa Hulanda y pa garantiza e trankilidad den nos region. E minister di Defensa a confirma na gobierno di Aruba cu nan lo keda mantene intacto e Marina Hulandes na Aruba. Otro aspecto cu Prome Minister Eman ta hopi contento cune ta cu Minister Jeanine Hennis ta hopi contento y entusiasma cu e Sociaal Vorming Opleiding y a anuncia cu pa January of February 2013 e kier bin Aruba pa observa mas e trayecto aki.

E ta hopi satisfecho cu e noticianan cu ta drenta relaciona cu e proyecto aki y na su salida for di e reunion Prome Minister Eman a papia cu e minister di Defensa riba e tema aki. El a ser informa cu e hobennan a caba e trayecto aki exitosamente, cu nan a gradua y algun a haya trabao caba den nos mercado laboral y ya caba ta preparando pa mas cu 20 hoben drenta den e proyecto aki na January- February otro anja.

Prome Minister a bisa cu gobierno a experiencia e minister nobo como un hende sumamente agradable y hopi interesa riba e Islanan di Reino, y esey ta trece un sinti di seguridad cu den futuro hopi por ser haci hunto.


Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter