| Minister Otmar Oduber: Museo di Antiguedad, un otro atraction turistico na San Nicolas |
 |
 |
| Tuesday, 11 December 2012 20:06 | |||||||||||||||
|
Herencia di nos historia ta importante pa comunidad local, como tambe pa e experiencia unico di nos bishitantenan pa conoce mas di nos cultura y di nos antepasado. Minister Otmar Oduber pa e motibo aki ta honra loke ta di nos y kier salvaguardia e unico Museo di Antiguedad di Aruba. E museo aki ta funcionando ya caba desde aña 1994 y ta conta cu un inventario di gran balor cu no por bay perdi. Doño di e museo Sr. Juan Mario Odor tabata colecta artefactonan mas cu 50 aña bieu y for di su mesun boluntad a crea un exposicion den su propio cura di cas. E museo aki ta habri solamente 2 biaha pa aña y dor di su popularidad tin rijnan largo di bishitante pa drenta. Lo cual ta demostra e interes grandi pa conoce mas di historia di Aruba y di nos hendenan.
Meta principal tras di e iniciativa di Minister di Tursimo, Otmar Oduber, ta pa atraves di Tourism Product Enhancement Fund (TPEF), crea un area di exposicion den centro di San Nicolas y aloca e invertario valioso aki, habriendo un otro porta pa hiba mas turista conoce monumentnan y historia di nos cultura na San Nicolas. Esaki ta un otro atraccion grandi pa tanto turista como local, despues di e gran exito cu Carubbian Festival a bin ta cosechando. Mescos cu Carubbian, intencion di Minister Otmar Oduber y henter Gabinete Mike Eman ta pa tanto bishitante como local por mezcla cu otro y presenta e buniteza di nos cultua, historia, tradicionnan y arte. Un biaha mas, un di e mihor lugarnan pa haci esaki ta San Nicolas, caminda pa decadanan largo diferente nacionalidadnan a sa di biba den harmonia cu otro, integrando nan mes den nos comunidad. Na mes momento, intencion di e mandatario di Turismo ta pa mas bishitante yega e area pariba di nos isla, caminda awor ta conta tambe cu un oficina di informacion di turismo, unda cu por haya tur informacion riba e diferente atraccionnan pariba di nos isla.
|
Mustra/Kita e formulario di comentario
Ta miho nan hinka tur e pertenencia nan den e museo grandi na playa i breid esey uit haci un atraction tambe di caya grandi.
Ninguin turista no lo biS**ta e cos aki na San Nicolaas. Of nan mester manda e cos aki den e edificio di Arikok. Otmar pensa poco mal i bin cu miho idea pa atrae turista na SN. Paso kom nou cua turista ta bay core for di e hotel sector pa bay wak e hoki cu bo ta jama museo antiguo?