Saturday, 20 December 2014
Premier Rutte di Bishita na Aruba Otro Aña Print E-mail
Tuesday, 11 December 2012 20:23
Comparti

Rutte DSC 0017

Prome Minister Eman a haci un bishita cerca su homologo di Hulanda Mark Rutte. Tabata un bishita placentero, asina Eman a bisa. “Premier Rutte ta un Minister President dinamico. Hopi entusiasma cu e relacion entre Aruba y Hulanda. Semper nos bishit’e nos ta haya palabranan di gradicimento pa e empuhe positivo cu Aruba ta duna den e ambiente di Reino Hulandes. Naturalmente tin retonan den e diferente partinan di Reino, pero Aruba ta resalta den e aspecto aki como un fuente di inspiracion y optimismo”. Eman a bisa cu hunto cu Rutte a dileña e camindanan pa cana cu tin balor agrega tanto pa Aruba como pa Hulanda. Minister President Rutte a duna di conoce cu otro aña e ta bishita Aruba.

Eman a entrega na Premier Rutte un raport cu a wordo traha riba e situacion economico financiero di Aruba. Esaki ta wordo entrega cada tanto tempo na Conseho di Reino. Den e raport aki por lesa con Aruba a crece durante e ultimo tres añanan, con a surpasa retonan grandi, con e gobierno aki a atende cu e retonan di pensioen di empleadonan publico y stabilisa esaki. “Tambe con nos a maneha e retonan di AZV. E prome fase di fortifica nos fondo di pensioen di behes SVb, introduccion di e Dialogo Social. Algo cu a cosecha hopi reconocimento y respet na Hulanda. Esaki pa e forma serio y no polarisa di atende cu gremionan. Hulanda mes tambe tabatin un luga central di e forma aki di tuma decisionnan. Ultimo tempo Hulanda no tabata den e posicion di cana e caminda aki y ta pesey cu e ta mira cu cierto simpatia con algo cu el a inicia, a wordo tuma over dor di Aruba cu ta cana dilanti den e forma di atende cu retonan nacional.”

Durante su encuentro cu Rutte Eman a bisa cu nan a papia di Finanza Publico y e deficit di 400 miyon cu e gobierno aki a bin haya. “Esaki nos ta bahando cada aña cu 75 miyon. Pa loke ta e presupuesto di 2013 e deficit mester baha atrobe y siguiendo e tendencia aki na 2014 nos ta yega na e 3% cu ta e benchmark internacional pa finalmente yega na un presupuesto balansa na 2016. Tambe a papia riba e posibilidadnan cu tin pa subi mercado internacional. Hulanda ta mira esaki cu bon wowo”.

Premier Rutte tin un admiracion masha grandi pa e forma con Aruba a atende cu Finanza Publico, con a atende economia y pa e fortificacion di e sistema di control di Aruba. “Nos tin un Rekenkamer cu ta funciona atrobe, e respet pa Parlamento ta bek, pa Raad van Advies y hopi tema cu pa algun aña tabata motibo di preocupacion pa Hulanda, mirando e ambiente cu tabata reina na Aruba y e polarisacion cu tabatin entre Aruba y Hulanda cu a pone e relacion bou hopi presion, a mehora. Nan cambia den un ambiente di positivismo y cooperacion”.

Na final Eman a ilustra cu e idea di gobierno di Aruba pa bin cu e conferencia “Europe meets the Americas” ta carga e aprobacion completo di Prome Minister Rutte. Rutte a bis'e cu el a compronde di e Principe Heredero cu e idea di Aruba pa profila su mes como un gateway a resalta grandemente na Brazil. Eman: “Esaki ta convence nos mas ainda cu e idea cu nos a lansa algun tempo pasa cu a tuma su tempo a haya reis aki na Hulanda y awor a cuminsa florece”.

Comentarionan (1)Add Comment
Ken awo?
December 12, 2012
201.229.126.118
Votes: +2
...

Prome Minister no kier pa RUTTE bin Aruba mes den e temponan aki, pa RUTTE no constata y INVESTIGA di con e no sa cu ta manera un BOM a cay den ORANJESTAD, lagando e centro di ciudad DESTRUI pa 3 anja caba!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter