Sunday, 20 April 2014
Segun Andin Bikker: Dos ley controversial cu gobierno a pone keto keto pa Parlamento lo ser trata diahuebs Print E-mail
Tuesday, 11 December 2012 20:47

Andin Bikker003

Den conferencia di prensa di fraccion di Partido Democracia Real, Andin Bikker a papia tocante dos ley cu segun’e gobierno a pone riba agenda di parlamento y cu ta bay afecta pueblo.

Bikker a splica cu e no a mira nada den prensa tocante e dos leynan aki. Esaki ta leynan cu na 2008 gobierno di MEP kier a pasa pero despues cu tabata tin protesta, a wordo para. E no ta compronde pakico awor diripiente gobierno di AVP, cu a bay contra e dos leynan aki den pasado, awor kier pa nan wordo aproba pa Parlamento, y a pone nan den silencio pa ser trata. E dos leynan aki ta duna Belastingdienst mas instrumento pa cobra impuesto y un ta e invoering verordering cu ta pa amplia otro ley y den e caso aki ta pa pone responsabilidad na subcontratistanan pasobra tin algun cu ta parce no ta cumpli cu nan compromiso di pago. Bikker no ta haya nada malo den esaki pero si den e hecho cu e ley aki tin diferente parti controversial aden y Bikker ta sinti cu nan ta bay afecta e pueblo.

Por ehemplo nan kier corta na 14 dia e luna cu actualmente ta duna personanan pa yega un acuerdo cu SIAD pa un areglo di pago y tambe pa mira si e cobranza ta husto of no, mirando cu tin biaha e aanslag ta yega laat na e adres concerni.Tambe tin un parti di e interes cu awor ta 6% cu nan kier cambia esaki di forma cu e por ta beneficioso pero di otro banda tambe por flucta y por aumenta. Bikker ta haya cu gobierno no ta cumpliendo cu su promesa di campanja cu lo bin cu tools pa e pueblo ta mas proteha legalmente ora no ta di acuerdo cu SIAD y el a menciona un par di caso cu impuesto ta ser cobra inhustamente. Otro cos ta cu ARA, instituto independiente, a constata cu informacion confidencial no ta safe na SIAD. El a bisa cu parlamento no a haya chens pa studia e leynan aki, nan no a pasa na comision central, ni por a haci onderzoek riba nan tampoco.

PDR a ricibi keho riba cierto cosnan cu ta mustra iregular cu SIAD ta haciendo y cu tin di haber cu cuentanan cu nan ta saldando sea for di retribucion di belasting, bendemento di cas of di auto cu no ta corecto y cu e lo trece dilanti den e reunion di diahuebs pa trata e leynan aki.

Comentarionan (1)Add Comment
B
December 12, 2012
84.24.250.59
Votes: +3
...

Esaki ta un bon punto di Mr Bikker, ban wak awo kiko tur lo pasa den parlamento.
Paso papia ta algo, pero haci ta otro.
He talks the talks, ban wak si e por walk the walk tambe

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter