| Minister Arthur Dowers ta bishita Universidad di Utrecht |
 |
 |
| Tuesday, 11 December 2012 21:03 | |||
|
Minister Dowers a comenta cu 400 studiante ta atende e facultad aki di Universidad di Utrecht y cu un di e partinan mas importante di su bishita tabata e recorido cu el a haya di e facilidadnan, unda cu e por a observa e sistema di duna les mas di cerca. E universidad aki tin un cooperacion cu Aruba y Minister Dowers a expresa cu e bishita tabata un momento motivante, pasobra e por a wak y papia tocante con e facultad ta duna contenido na su sistema di enseñansa pa logra resultadonan positivo. Universidad di Aruba tambe ta ariba e rumbo aki, unda cu ta concentra no solamente ariba resultado, pero ariba e trayectorio di siñamento, dunando contenido na formacion di cada studiante. Despues cu e mandatario por a wak con e proceso tin influencia positivo ariba resultadonan di e studiantenan na Utrecht, el a comenta cu sigur esaki ta un inspiracion pa Universidad di Aruba sigui ariba e caminda aki. Siman pasa Minister di Husticia y Enseñansa, Arthur Dowers tabata na Estadonan Uni di Merca unda cu tambe el a bishita diferente universidad, unda cu a traha ariba amplia e cooperacion entre e institucionnan aki y Universidad di Aruba. Ademas a haci contacto y establece un relacion cu e universidadnan durante Minister Dowers su bishita pa loke ta trata studiantenan di Aruba cu ta desea di studia mas cerca di cas y nan preparacion pa admision na institutonan Mericano.
|
Mustra/Kita e formulario di comentario
Esey so falta Dowers bin bek bisa cu tur cos ta bon, mientras Aruba su husticia (cirminalidad) ta actualmente mas malo cu tur e partner nan den Reino