Friday, 31 October 2014
Protocol “Aruba cu Deporte na Pecho”, un alivio pa facilidadnan deportivo Print E-mail
Tuesday, 11 December 2012 22:06

prot IMG 9969 (1)

Den e ultimo ceremonia di firmamento di e protocol “Aruba cu Deporte na Pecho”, entre Gobierno, ELMAR y diferente organisacion deportivo y social na sede di La Fama na Savaneta,  por a mira satisfaccion riba cara di diferente dirigente.

E motibo ta cu e protocol “Aruba cu Deporte na Pecho”, cu ta duna un reduccion di 50% riba e prome 1000 kWh consumi, ta permiti nan cumpli mas cu nan hungadonan, principalmente mucha y hobennan cu ta haci uzo di e veldnan.

“Den Dialogo Social nos a yega na un compromiso pa no unicamente baha e tarifanan di awa y coriente pa comunidad, pero pa e facilidadnan deportivo nos kier a bay un tiki mas leu den e reduccion di e prijsnan. Di e manera aki nos ta yuda nan carga un di e pesonan di mas grandi cu nan tin tur luna,” Eman a bisa den su introduccion.

Shete organisacion a firma e protocol e anochi aki pa finalmente yega na un total di mas di 50 organisacion cu ta beneficia di e incentivo di reduccion den gastonan di coriente.

Un proceso cu a cuminsa dia 27 di november na veld di Riverplate, siguiendo pa Tanki Leendert, Caiquetio, Arsenal, YMCA y a finalisa dia 4 di december, cu hopi caranan contento y satisfecho di tanto dirigentenan deportivo como deportistanan hoben contento di por tin mas flexibilidad pa train nan deporte preferi.

E organisacionnan ta haya dobel beneficio cu e maneho di Gabinete Mike Eman cu reduccion di tarifa di coriente. Aruba en general a conoce un rebaho di  mas o menos 15% di nan recibo di coriente cu tambe a cuminsa entrante prome di november 2012. Esaki ta valido pa tur cas y comercio en general. Pero e rebaho aki tambe ta conta pa facilidadnan deportivo y adicionalmente nan ta haya e rebaho significativo aki di 50% riba e prome 1000 kWh. E ta un bon manera pa incentiva hobennan pa haci mas actividadnan deportivo y tambe pa esnan di mas edad pa keda den movecion. E ta un situacion 'win-win' pa Aruba en general.

Pa San Luis Deportivo, e Protocol aki ta manera un bendicion di shelo. Su dirigente Gilbert Yarzagaray a expresa cu e idea pa duna reduccion den e gastonan di coriente ta tremendo. “E ta algo cu facilidadnan deportivo tabatin mester di dje pa hopi tempo caba. Hopi team ta haci uzo di nos facilidad y e luz ta un tiki caro. Cu esaki nos ta resta placa pa haci otro cos”.  En total 9 ekipo ta haci uzo di e veld di San Luis Deportivo, di cual mayoria ta tuma luga den oranan di anochi.

Fundacion Facilidad Deportivo Aruba ta un fundacion cu tin varios facilidad bou di nan encargo y pa nan e protocol “Aruba cu Deporte na Pecho” sigur ta un alivio grandi. “E ta un tremendo plan pa yuda deporte,” Cai Cai Williams, encarga cu FFD a duna di conoce despues di a firma e Protocol.  E Fundacion tin bou di su encargo: Parke Jaburibari; Stadion Frans Figaroa; Compleho Deportivo Guillermo Prospero Trinidad na Dakota; Parke Crismo Angela na Sta Cruz; 2 facilidad na Yara;  Mabon y Simeon Antonio.

Mas di 50 organisacion ta beneficia di e programa aki cu ta algo historico pa deporte di Aruba, segun palabranan di diferente dirigente deportivo. Un programa cu Gabinete Mike Eman hunto cu sosten di Dialogo social a traha hopi tempo riba e proyecto aki y awor e ta yega na realisacion. 

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter