Monday, 22 December 2014
Parlamentario sra. Lorna Jansen-Varlack: A haci un inicio pa cu e tratamento di e Ley cu ta encera e reglanan pa cu doñonan di cacho Print E-mail
Tuesday, 11 December 2012 22:56
Comparti

lorna varlack003 

A haci un inicio pa cu tratamento di e Ley cu ta encera e reglanan pa cu doñonan di cacho den parlamento. Presente na e reunion tawata minister di Salubridad y Salud dr. Richard Visser y minister di Turismo, Labor y Transportacion sr. Otmar Oduber. E Ley nobo ta encera reglanan riba diferente area unda e doño di cacho mester tene su mes na dje, p.e. tocante di cuido necesario di calidad; medidanan cu e doño mester tuma pa percura cu su cacho no ta subi caya ni tereno di otro persona; doñonan mester tin nan cacho na liña riba tereno publico of si tin otro indicacion; un lista di cachonan cu ta wordo considera cachonan peligroso; ta un obligacion pa busca un permiso pa cachonan cu ta wordo considera cachonan peligroso; consecuencianan si haya un cacho riba caya of si haya un cacho peligroso sin permiso riba caya of cachonan cu segun autoridad ta forma un peliger directo pa e seguridad di hende y otro bestia; kiebro di e stipulacionnan menciona den e articulonan ta wordo castiga cu un boet di maximal 10.000 florin; ta prohibi pa organisa pelea di cacho of permiti publico pa asisti na e actividadnan aki. Esey ta breve algun punto cu a wordo debati mas amplio durante e tratamento di e Ley di cacho. Parlamentarionan presente a propone diferente cambio den e Ley aki y mi ta sigur cu e ministernan presente lo tene cuenta cu e sugerencianan aki pa e di dos tanda. Tawatin preguntanan pa minister Dowers tocante e maneho y e consecuensianan pa cu e implementacion di e Ley aki pa cu e motibo cu e ehecucion di e Ley di cacho ta cay bou di Polis. E reunion a wordo posponi en espera di presencia di minister Dowers pa contesta e preguntanan y sigui cu e reunion. Por cierto e aspecto di placa lo hunga un rol grandi pa cu e ehecucion di Ley di cacho, pero nos mester cuminsa un caminda pa alivia e situacion problematica di e presencia di cacho riba caminda publico, cacho cu ta cana rond sin doño y cu ta un mahos bista pa nos turistanan, e cachonan di mondi cu ta ataca y mata e cabritonan y carne, cachonan peligroso cu ta ataca e peatonnan etc. Pronto lo cuminsa cu un campaña di conscientisacion y informacion pa cu e contenido di Ley aki pa prepara e comunidad pa e cambionan cu e Ley di cacho lo trece cune.  

Comentarionan (4)Add Comment
The Observer
December 12, 2012
201.229.42.184
Votes: +1
...

Esaki no ta acceptabel mas. Parlamento definitivamente no ta funcshonando debidamente. Aki por mira un connecshon entre Universidad di Aruba cu huristanan cu lo a gradua na Universidad di Aruba y parlamentarionan. Si actualmente parlamentarionan ta haya extra fondo financiero pa paga un hurista pa traha pa cada un parlamentario, nos por conclui cu e influencia di Universidad di Aruba ta definitivamente den Parlamento di Aruba. Kende a institui Universidad di Aruba??? Cu cual meta??? Por nota hopi cla, cu ta e clase trahador ta wordo oprimi.... Abuso. Esaki no por wordo tolera mas. Denuncia internashonal mester cuminsa lanta vuelo. Cual organisashon a institui Universidad di Aruba???

lady nikita
December 12, 2012
74.82.68.16
Votes: +2
...

Si anto tambe, ki a pasa cu e hendenan cu ta abusa di e cachonan, venenan, skopnan te matanan, ki ta pasa ora bo tin hende loko asina ta biba banda dibo y cu anan ta maltrata nan? No tin un ley cu esaki? Of esey lo wordo warda den lachi? Corda cacho ta bestianan ta nan no tin tino, y si bo ta laganan den cura pero awo si pa x motibo nan sali, paso ami no ta mara cacho y lo mi no hacie tampoko, esey ta dierenmishandeling.

sabinan
December 12, 2012
67.159.2.252
Votes: +3
...

ta tristo pa wak con boso a para bira solamenhte medida indirecto pa pueblo ,con boso kier buchi juan y maria paga un boet di f10.000 boso sa mansha bon ku pueblo tin cacho pa e protection ku boso no por offrece ni eherce .

Aruba Ariba
December 12, 2012
201.229.19.51
Votes: +2
...

Mester bin un ley tambe contra e cabrito nan riba caja cu tambe ta molestia e tourista nan.Unda esei akeda?Unda e donjo nan ta?Si un malechor drenta cura di hende anto e cacho tene of morde e malechor ken tin c*lpa?Mester bin un ley tambe no traspasa tereno cu no ta dibo...e ley ta mas paso tourista a klacht y tocante e antraco nan cu ta tuma luga contra nos tourista nan mes nada....si ta tende solamente di tourista anto e ley di cacho no tin mester tin voorrang toch...ta esun di antraco,criminalidad ect...

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter