Saturday, 20 December 2014
Habitantenan di Rooi Congo contento cu accion di limpiesa “Nos kier nos bario mes bunita cu Juwana Morto” Print E-mail
Wednesday, 12 December 2012 16:30
Comparti
IMG 0416
Accion di limpiesa cu Gobierno a bin ta haciendo den barionan rond di Aruba, ta un empuhe pa e propio habitantenan, manera algun di nan a expresa durante e bishita semanal di Prome Minister Eman siman pasa den e bario di Rooi Congo.

Gabinete Mike Eman mas cu un aña pasa a cuminsa cu un accion di limpiesa den barionan di Aruba, unda cu gruponan di SERLIMAR ta pasa rosa, recoge sushi y na mes momento deshaci di autonan bieu cu ta staciona pa hopi tempo.

Roberto Kip, kende ta coordina recogemento di autonan bieu, ta contento cu reaccion di habitantenan cu poco-poco a cuminsa realisa cu un auto bieu para pa añanan largo ta simplemente un sushedad mas cu ta forma un mahos bista, ta un criadero di muskita y otro plaga.

E ta calcula cu pa aña 2012 ya caba nan tin mas o menos 1000 auto recogi, cual a resulta un estimulo pa gruponan priva tambe cuminsa ofrece servicio di recoge autonan bieu. E recogemento di auto bieu ta bay den combinacion cu accion di limpiesa den bario. Na Rooi Congo a programa cu durante dos siman ta keda haciendo limpiesa.

E rosamento di matanan cu a crece bira mondi y yerba dilanti casnan, ta permiti e habitantenan sigui mantene e area dilanti y rond di nan cas limpi, manera Roxanna Maduro di Amsterdamstraat den Weg Rooi Congo. “Mi ta haya e accion di limpiesa un bon idea, pasobra e ta encurasha nos pa sigui mantene rond di nos cas limpi”. Otro habitante, Mario Richardson, a splica cu tin grupo di habitante cu ta trata di mantene e area limpi pero tin biaha e yerba y matanan ta bira demasiado y mester di ayudo cu cierto tipo di mashin. “E ayudo cu SERLIMAR ta brinda ta wordo masha hopi aprecia,” el a splica.

Varios di e habitantenan di Rooi Congo a tende di tur e trabounan cu a wordo haci door di Gobierno di Mike Eman na Juwana Morto, De Vuyst, Esso Heights, y a expresa e deseo pa nan bario tambe bin na remarca pa esaki. “Nos ta bay drech’e netchi,” Prome Minister Eman a reacciona riba peticion di e habitantenan.

Un tremendo ex sindicalista

 

Un di e habitantenan masha conoci di e bario aki ta ex sindicalista Clemente Geerman, un tempo Presidente di GABA. El a combersa un rato cu e mandatario pa splik’e e preocupacionnan di e bario. Aunke Geerman awor ta un pensionado, ainda habitantenan ta mira den dje un lider y ta aserk’e cu tur nan inkietudnan. Durante e combersacion cu Prome Minister Clemente a splik’e tambe kico nan ta encera. “E hendenan aki mester di bo, nos tur mester di bo. Nos ta pidi Dios bendiciona’bo pa salud, pa bo t’ey pa hopi aña mas cu nos,” Geerman a expresa na momento di despedi di Eman.

 

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter