Thursday, 23 October 2014
Minister Asscher entusiasma cu e desaroyonan positivo na Aruba Print E-mail
Wednesday, 12 December 2012 19:32

frontIMG 9876

Vice Prome Minister Hulandes Lodewijk Asscher di Asuntonan Social y Labor a reacciona entusiasma ora el a tuma nota di e proposicion di Aruba pa fungi como gateway entre Europa y Latino America. Mescos cu Plasterk e tabata masha satisfecho di e meta cu Aruba a pone su dilanti pa construi un economia duradero.

Premier Mike Eman a duna ambos mandatario un update di e avanse na Aruba. Eman a informa Asscher encuanto e desaroyonan social y e ambicion di Aruba pa converti e pais den uno social economicamente fuerte. A papia en extenso di e Dialogo Social. ,,Minister Asscher tin hopi aprecio pa nos concepto pa sigui desaroya e asina yama ‘poldermodel Hulandes’ y haci’e un plataforma social”, asina Eman a bisa. Tambe a papia con consolida e fondo di pensioen di empleadonan publico y e introduccion di un pensioen general pa e sector priva. ,,Minister Asscher a mustra gran aprecio pa nos esfuersonan, principalmente pa e forma con nos ta ehecuta nos maneho social economico den cooperacion cu nos partnernan social. El a kita sombre pa nos pa e pasonan cu nos a tuma den un tempo cortico’, Eman a sigui bisa. Asscher y Eman a yega na un acuerdo cu nan ta sigui tene otro na haltura di e desaroyonan na Aruba riba e tereno aki. Asscher tabata masha positivo di e encuentro cu Eman. ,,Mi ta hay’e un honor grandi pa por a ricibi Eman. Nos no a topa otro prome ainda. E relacion cu Aruba ta riba tereno di Minister di Asuntonan Exterior y Relacionnan di Reino, pero mi a haya bunita pa tende con Eman y su gobierno ta trahando na Aruba y tur loke ta pasando eynan”, Asscher a bisa na final di su combersacion cu Eman. Asscher ta haya cu e gobierno di Aruba ta haciendo un bunita trabou cu su rol di pionero den mantene e bon relacionnan dentro di Reino. ,, E progresonan cu ta wordo haci aya, tambe rond di e pensioen, ta pasonan hopi serio tuma. Eman merece nos sosten pa esey”, Asscher a bisa y a priminti di lo bin lihe Aruba pa cera conoci cu e isla y pa pasa vakantie.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter