Wednesday, 16 April 2014
Minister Plasterk di Asuntonan Exterior y Relacionnan di Reino: Hunto nos por logra realisa e bentahanan di dos mundo Print E-mail
Wednesday, 12 December 2012 19:36

eman plasterk 01

Den su prome combersacion cu e minister nobo di Asuntonan Exterior y Relacionnan di Reino Plasterk, Prome Minister Eman a haci uso di e oportunidad pa intercambia di pensamento encuanto e cooperacion dentro di Reino y e fortificacion di relacionnan cu ta na bentaha di tanto Aruba como Hulanda.

Eman a bisa cu Plasterk a priminti’e cu e protocol firma entre Hulanda y Aruba aña pasa na luna di october, ta bay haya su completo atencion. Ehecucion di e protocol a cay un poco atras dor di caida di gobierno Hulandes y e eleccionnan cu a sigui. Eman a bisa cu Minister Plasterk tabata impresiona cu e ambicionnan di gobierno di Aruba pa crea un economia duradero. Prome Minister Eman a informa Plasterk mas aleu di e Dialogo Social, di e pasonan social economico cu gobierno di Aruba a tuma y e esfuersonan pa sigui reduci e deficit pa yega na e benchmark internacional di 3% den 2014 y pa realisa un deficit balansa na 2016. ,,Nos ta atende finanza publico y esey ta duna Hulanda e sentimento di confiansa despues di hopi aña di deficitnan presupuestario. Nos a mustra nan cu nos ta mas adulto y tin sentido di responsabilidad, esey a cay den bon tera na Hulanda”, Eman a bisa. Segun Eman cu Hulanda a haya den Aruba een partner pa traha den un forma constructivo hunto den Reino. ,,Minister Plasterk tabata contento di tende cu nos a haya un diplomatico den persona di Marion Kappeyne van de Coppello pa yuda den e asunto di gateway pa hunto cu Hulanda cana e caminda aki. Plasterk ta sostene esaki completamente”. Minister Plasterk a haya e combersacion cu Eman un ‘goed gesprek’. ,,Nos a papia riba un manera positivo con hunto nos ta bay haci cosnan den Reino, con hunto nos por logra algo bunita si nos trata di realisa e bentahanan di dos mundo”. Plasterk ta haya e concepto di Aruba como gateway entre Europa y Merca un idea interesante, cu ta brinda tanto Hulanda como Aruba hopi bentaha. El a bisa tambe di ta impresiona di e ambicionnan di Aruba pa haci e switch di petroleo fosil pa energia berde. El a yama Aruba un lugar bunita pa start su bishita di trabou riba 19 di januari otro aña. ,,Mi ta curioso pa wak tur esaki di cerca”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter