Saturday, 20 December 2014
Clarisca Velazquez: Usando ley di BOB polis lo resolve e casonan di atraco reciente Print E-mail
Wednesday, 12 December 2012 21:33
Comparti

Clarisca Velasquez014

Den conferencia di prensa di fraccion di AVP, parlamentario Clarisca Velazquez a mustra cu nan ta lamenta hopi e atraconan cu a sosode siman pasa, y a bisa cu AVP ta condena cu malhechornan ta bin Aruba probecha di nos hospitalidad pa comete atraco contra nos pilar mas importante cu ta turismo.

E ta convivi cu esnan cu a pasa den e trauma aki den area di hotel y e ta spera cu nan por wordo yuda pa supera esaki, cu ta algo cu e por compronde bon pasobra e mes a pasa den algo asina. Pero tambe e cu su fraccion ta lamenta cu tin hende, manera e lider di MEP cu ta saca probecho politico di un situacion asina grave, y cu realmente ta un problema di full nos comunidad y cu hunto nos tin cu yuda combati. Clarisca a splica cu den e cara di sra. Evelyn Wever-Croes no por a mira su convivencia cu e hecho pero pa critica si e ta prome den rij. El a remarca varios biaha cu e y su fraccion no tabata presente tempo cu a trata leynan pa husticia pa duna polis mas autoridad pa actua, manera e ley di BOB y dia cu a trata e presupuesto pa e proyecto di camara, cu por cierto ta uno cu su omo tabata kier bin cune, pero no cu husticia na pecho sino pa enrikece famia. MEP a vota contra e presupuesto y cu esey contra e proyecto di camara pa cual Parlamento a pone un suma di 250.000 florin pa ehecute. Velazquez a splica e tarea cu nos tur den comunidad tin pa yuda combati criminalidad y primeramente Parlamento pa traha leynan pa duna polis mas autoridad y gobierno pa pone mas placa pa polis haya e instrumentnan cu mester pa por actua. E ta sigur cu e caso di atraco aki polis lo resolve pasobra e ley di BOB ta dune un modelo pa actua, y ta asina cu polis por a drenta den casnan e dianan aki y a detene hende y tin pista caba riba kendenan ta envolvi, y e ta lamenta cu tambe tin Arubiano aden, cu ta hende cu no por stima nan pais pero ta comete atraco contra nos pilar mas grandi, nos turismo. Clarisca a bisa cu comunidad tambe mester contribui door di avisa polis kico sospechoso nan ta wak y cu esey ta hopi importante pasobra polis no por traha sin e contribucion aki. Mescos e comerciantenan pa pone e mihor seguridad pa nan no risca di wordo atraca.

Comentarionan (3)Add Comment
Ban serio
December 13, 2012
201.229.28.39
Votes: +3
...

E senjora aki ta gritando su ultimo lunanan di ta como parlamentaria sigur e no merece bin bek den e proximo gabinete EMAN

alexanderthegreat
December 13, 2012
201.229.82.223
Votes: +3
...

Ta Con E Sa cu E atracadornan no ta Rubiano???? nan a gara nan caba???

The Observer
December 13, 2012
201.229.12.208
Votes: +2
...

E asunto di atraco ta hole petroleo...unda Holloway ta???

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter