Friday, 22 August 2014
Rene Herde ta mustra preocupacion di parlamento tocante integridad di SIAD Print E-mail
Wednesday, 12 December 2012 22:02

rene siad

Rene Herde, lider di fraccion di AVP durante conferencia semanal di e partido a comenta tambe riba e asunto di integridad di Belastingsdienst. Semper ta bon pa mira con bon e parti di integridad ta den departamentonan manera SIAD, entre otro.

El a splica cu na Februari fraccion di AVP a pidi Algemene Rekenkamer pa haci un investigacion pa wak con confiable e integridad di SIAD ta. No a pidi pa wak ken a los informacion of a laga, y esey no ta trabao di ARA ni parlamento. E ta tarea di e minister encarga y si ta asina cu tin cualkier violacion di informacion confidencial husticia por cai aden. Manera ta conoci e rapport di ARA a keda cla, parlamento tine tambe e minister y prensa y ta preocupante e resultado caminda cu ARA a bisa cu tin hopi cos pa drecha den e sistema di integridad y confianza riba maneho di informacion den e sistema di belasting, locual ta sumamente serio. ARA a detecta hopi fayo mes cu ta permiti pa hopi cos robes sosode cu informacion confidencial di cliente. Rene Herde a splica cu tur ciudadano cu entrega papelnan cu datonan financiero y personal na SIAD of cualkier otro institucion publico of priva mester tin e garantia cu e ta keda confidencial y si e sistema no ta garantiza esaki mester percura pa wordo coregi. Parlamento tin e tarea di pidi minister di finanzas pa traha un plan y ehecuta e recomendacionnan cu ARA a pone den su rapport, pasobra informacion cu yega na SIAD mester ta exclusivamente pa su tarea di cobra belasting y ehecuta leynan cu tin di haber cu impuesto. Minister di Finanzas lo wordo pidi pa hunto cu su conseheronan sinta cu Parlamento pa traha riba e plan aki y aplica esaki tambe. Herde ta mira esaki mas extenso. E ta kere cu mester bay wak den tur otro departamento publico y na henter Aruba con ta anda cu informacion confidencial, y hasta investiga con den paisnan cu tin experiencia cu maneho di informacion confidencial ta haci esaki.

Comentarionan (4)Add Comment
N'e chambonan berde
December 13, 2012
201.229.19.169
Votes: +5
...

smilies/cheesy.gifsmilies/cheesy.gifsmilies/cheesy.gif, claro cu nan kier secrecia hermetico, no ta nada stranjo, asina nan por sconde tur nan fechorianan cu nan ta comete contra Pueblo. Nos ta yama tur Arubianonan Patriotico pa sigui divulga informacion di actonan cor-ruptivo y fraudulento di kalke gobierno, ya ta BASTA!

The Observer
December 13, 2012
201.229.12.208
Votes: +4
...

Nos prome minister merece un miho team di collega pa traha na bienestar di pueblo. Cu "parlamento" ta exihi pa legalisa tenemento di secreto ora ta desconta debe astronomico di belasting pa riconan, no ta un acto benigno, sino mas bien acto maligno contra pueblo...

pedro tromp
December 13, 2012
190.2.160.238
Votes: +6
...

mi ta agree cu mester tin confidentialidad.....pero no ora cu gobierno/minikster ta hasi cos nan cu ta costa pueblo placa....of no ta atene su mas na ley....y principal mente cu tur hende tin e mes un derecho...esta si ta duna un discuento riba su belasting anto tur mester haya...y no por ta sina cu ta premia esnan cu no a cumpli cu ley anto esnan cu si ta biba conforme ley ta wordo castiga....

The Observer
December 12, 2012
201.229.9.65
Votes: +5
...

No ta acceptabel cu mester tene secreto ora ta duna comerciante discuento riba su debe di belasting; mas ainda ora ta trata di discuento di varios shen mil of miyones di florin. Secreto pa kiko? Secreto pa ken? Al contrario, si un ta haya discuento riba nan debe di belasting, ta nos tur cu ta biba riba Aruba mester haya discuento tambe...of no? Inhusticia ta wordo legalisa??? Ta nos tur lo mester tin mesun deber di contribui cu tanto porciento di nos ganashi, pagando belasting. Si ta duna comerciante discuento miyonario, anto TUR hende na Aruba mester haya mesun discuento. Nada di secreto... Inhusticia mester yega na su fin.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter