Monday, 22 December 2014
Parlamentario Rene Herde: Parlamento a bisa minister y polis cu kico mas mester pa para criminalidad laga nan sa! Print E-mail
Wednesday, 12 December 2012 22:46
Comparti

rene-parlamento

Rene Herde lider di e fraccion di AVP, durante e conferencia di prensa semanal di e partido a comenta riba criminalidad. Rene Herde a splica cu fraccion di AVP tin un preocupacion serio debi na criminalidad na Aruba for di robo di auto te cu atraco pisa manera tin casonan tumando lugar, pasobra esaki ta algo cu ta toca un y tur den nos comunidad.

Haci algo pa frena esaki ta un di e responsabilidadnan di Parlamento y segun Herde no tin absolutamente nada cu Parlamento por haci cu e lo no haci pa cumpli cu esaki. Herde a splica cu nan a logra aumenta e presupuesto pa husticia cu hasta ta e presupuesto cu mas a ser aumenta den e ultimo 3 anjanan y particularmente pa loke ta trata prevencion. E minister a haya fondonan pa e personal esencial pasobra tur hende kier mira presencia di polis na aeropuerto, na waf, riba caya, riba beach y tur caminda. Segun Rene Herde polis ta haciendo un trabao creativo cu e personal cu nan tin y parlamento a bisa minister y polis cu kico mas nan tin mester laga nan sa pasobra tin nada cu nan lo no haci dentro di ley y si tin cu cambia ley si mester pa e seguridad y trankilidad cu nos ciudadanonan merece den cada baario, cada cas y tambe pa esnan cu ta bin bishita nos. Tur cos parlamento ta dispuesto pa haci pa para e desaroyo di criminalidad cu tin.

Comentarionan (8)Add Comment
N'e chambonan berde
December 13, 2012
201.229.19.169
Votes: -3
...

Nos ta para CRIMINALIDAD na Aruba, e dia cu e partido na mando y esun geel ta wordo desterra di Aruba hunto cu su cabritonan cu ta meeeh pa nan tur santo dia, Amen!

Ban serio
December 13, 2012
201.229.28.39
Votes: +5
...

@ pedro tromp ora tin un hende mujer ta hasi pajasada e ta conta pa dos dus tin 4 payaso

Ban serio
December 13, 2012
201.229.28.39
Votes: +3
...

Loke mester hasi tapone un minister di justicia mas mijor y no uno cu ta keiro so riba h. Davidson

The Observer
December 13, 2012
201.229.12.208
Votes: +2
...

Sra. Eva Latham a relashona Herde cu Universidad di Aruba, y Sra. Eva Latham a realshona Universidad di Aruba cu centro di maneho di comunismo (politburo). Awor, si Herde di berdad ta den fundeshi di comunismo via Universidad di Aruba, y ta sinta den comishon cu ta traha ley den Parlamento di Aruba, lo mas probable lo ta cu fundeshi legal pa comunismo lo wordo trahá door di e comishon di Herde... Ta ki grupo a funda Universidad di Aruba anto??? Cu cual meta??? Laga nos habri wowo pa nos por mira bon...

chebar
December 13, 2012
201.229.74.176
Votes: +7
...

Mi opinion: Mester instala warda nos costa atrobe. Pone e radarnan traha otrobe.Mester deporta tur e ilegalnan manera den pasado.Mester bira menos ilegal complaciente. Mester pone camara na tur e hotspotnan. Mester pone camara na tur crusadanan pa filma y transmiti di biaha(na un centrale) unda e auto di delito ta bay. Mester usa mas hende(no necesario polis)pa cuida turistanan y meld tur hende stranjo na e hotspotnan y ariba beach.Mester duna e maximo di castigo na delitonan vooral na turistanan.Tin hopi mas cos cu por haci.

pedro tromp
December 13, 2012
190.2.160.238
Votes: +14
...

tres payaso!!!!

V.Tromp
December 13, 2012
77.248.71.26
Votes: +6
...

Installa camara vooral na unda cu tin hopi movecion.
Cos no por sigi asina aki.

The Observer
December 12, 2012
201.229.9.65
Votes: +6
...

Pero robo ta cumbini comercio toch? Ora un l****n horta, e victima tin cu bai cumpra tur cos nobo pa reemplaza locual cu a horta di dj'e...toch? Esaki lo ta bon pa comercio...Pero ya, ora ta trata di e homber chikito cu ta victima....no mucho ta importa...ta parce. Pero o o o si ta un homber di negoshi ta victima....

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter