| Parlamentario Clarisca Velasquez: E contribucion cu parlamentario por duna pa preveni y combati criminalidad ta atende y aproba leynan y tambe bin cu iniciativa di ley |
 |
 |
| Thursday, 13 December 2012 15:06 |
 Criminalidad ta un problema cu tin nos tur preocupa y cada un di nos mester duna nos contribucion pa por preveni y of combati esaki mas efectivo posibel.
Tur esnan di nos comunidad den su rol tin cu contribui manera e cuidadano cu ta e wowo di nos pueblo ta nota algo stranjo tin cu avisa autoridad y di su banda autoridad ta haci investigacion cu e informacion cu ela hanja di nos comunidad. E comerciante tin cu tuma medidanan y of precaucionnan cu e risico ta bira mas chiquito cu su negoshi ta bira e blanco di un crimen. Polis ta haci su investigacion pa preveni y combati criminalidad den margen di leynan cu tin pa haci esaki. Gobierno di su banda tin cu percura pa tin instrumento pa husticia por haci su trabao den forma di leynan,capacidad y material. Parlamento cu ta e organo mas halto di nos pais tin cu atende y aproba leynan cu husticia (polis) por haci su trabao mas efectivo pa preveni y combati criminalidad. Tambe e parlamentario por bin cu su propio iniciativa di ley. esaki ta e forma con un parlamentario por contribui cu preveni y combati criminalidad. Awor ta tende con parlamentarionan di Mep ta critica cu tin criminalidad pero kiko abo como parlamentario a haci pa contribui pa preveni y combati criminalidad????
|
Mustra/Kita e formulario di comentario
