| Minister Otmar Oduber: Sistema nobo cu lo wordo intrduci cu cambio di leynan laboral lo trese mas flexibilidad |
 |
 |
| Thursday, 13 December 2012 16:08 |
 Minister di Labor Otmar Oduber ta indica cu e sistema nobo cu lo wordo introduci cu e cambionan di ley laboral lo trece mas flexibilidad cune. Un di e cambionan den ley cu ta forma parti di ordenansa laboral ta sali for di e punto di bista cu reduccion di orarionan di trabou ta laga tempo pa e trahador por dedica na su mes unda su “quality of life” lo subi.
Pero mas importante cu tur ta cu Minister ta garantisa cu e cambio aki, su salario lo no baha. Despues di diferente reunion den forma tripartidario cu tanto representante di dunadornan di trabou como tambe esnan cu ta representa e trahadornan aki na Aruba, Minister Oduber a logra pa cu e cambionan di ley di Ordenansa Laboral ta canando e proceso pa wordo trata dia 17 di december 2012 den Parlamento, poniendo asina aki bienestar di e trahadornan na promer lugar. Cu e siman di trabou di 48 ora, e trahador ta keda cu poco tempo pa dedica na su famia y tempo liber. Den practica e trahador cu mas tempo liber ta hopi mas productivo. E cambio lo bay trece cune un reduccion di ora di trabou te na un averahe di 45 ora pa siman, manteniendo e salario di 48 ora. Ta comproba cu companianan cu a reduci ora di e trahador mantiendo su salario, a resulta di ta un cambio sumamente positivo pa ambos partido. Esaki a trece cu ne como resultado cu e porcentahe di AO a bira menos y a trahador ta mas productivo.
|
Mustra/Kita e formulario di comentario
