Wednesday, 17 September 2014
Ministernan Eman y de Meza ta topa cu Comandante di Marechaussee Hans Leijtens Print E-mail
Thursday, 13 December 2012 16:57
DSC_2063
Na luna di maart di e aña aki J.A.J. ‘Hans’ Leijtens a keda nombra den e posicion halto di comandante nobo di Marechaussee na Hulanda. Comandante Leijtens den su funcion ta tambe Gobernador di Residencia y den e posicion ey e ta responsabel pa tur ceremonia militar na Den Haag.

Prome Minister Eman tabatin un encuentro cu Leijtens durante su bishita di trabou e siman aki na Hulanda. E bishita tabata enfoca riba e deseo di Aruba pa introduci na aeropuerto di Aruba un Pre-Clearance pa Europa. Un concepto cu ya for di aña pasa caba Prome Minister Eman a pidi atencion p’e na Den Haag.

Despues di e encuentro Leijtens a bisa cu esaki tabata di dos bes cu e ta topa cu Prome Minister Eman y awor atrobe e ta wordo sorprendi pa su entusiasmo. “Nos a papia riba vigilancia di frontera y con sostene Aruba den esaki. Tambe Eman a pidi mi pa nos pensa hunto con establece un Pre-Clearance na Aruba. Mi ta dispuesto pa yuda pensa con realisa esaki”. Leijtens ta conciente cu tin problemanan huridico cu mester surpasa. Hulanda ta forma parti di e region di Schengen y manera cu actualmente ta haci e control eynan ta nifica cu mester move e frontera di Europa pa Aruba. “Mester wak bon con haci esaki. Si resulta cu esaki ta posibel y ami ta masha na fabor di esaki, anto nos ta logr’e”. Na e encuentro aki tabata presente tambe Minister di Finanza di Aruba Mike de Meza.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter