Wednesday, 30 July 2014
Gobierno a cuminsa traha riba un plan pa haci di Aruba un "Heart Safe Island" Print E-mail
Thursday, 13 December 2012 17:35

IMG 2097

Mr. Melieste y Mr. Theuns a presenta nan plannan na Gobierno di Aruba pa converti Aruba den un “Heart Safe Island” door di crea un netwerk haciendo uzo di un "Automated External Defibrillator" instala riba varios punto na Aruba y train personanan cu por haci CPR. Uzando un AED y dunando forma corecto di CPR un persona lo tin mas oportunidad di sobrevivi na un atake cardiaco repentino. Haciendo mas uzo di un AED e posibilidad pa sobrevivi lo ta hopi mas grandi. E plan aki no ta solamente pa e hendenan local por haci uzo di dje pero tambe pa e turistanan cu ta bishita Aruba. E resultado di e presentacion aki ta cu gobierno lo percura pa haci un estudio di factibilidad pa wak ki impacto esaki por tin pa nos isla. Ademas, e investigacion aki ta pa sondea e posibilidadnan ariba e tereno economico, di salubridad publico, turistico y di labor. Na final di e reunion, Gobierno di Aruba a ricibi for di Zoll Medical, cu ta un compania internacional cu ta lider den e mundo di Automated External Defibrillators, un AED-plus. E iniciativa aki ta wordo mira manera e prome paso pa un “Heart Safe Island”, y lo pone Aruba riba e mapa mundial como un pais cu ta pensa riba e bida di nos hendenan y con pa scapa e bida di e turistanan cu ta bishita nos isla.

album album album
album album album
album album album
album   

Comentarionan (1)Add Comment
what
December 13, 2012
190.104.102.60
Votes: +2
...

Hopi jammer. Tremendo iniciativa, pero desgraciadamente varios Rubiano a bin cu un voorstel similar y no a haya cooperashon nin oido. Awor pa di tantisima biaha ta macamba ta haya e chens, inclusief tur e business cu tin tras di dje. Pa Rubiano bay dilanti, ta afo e tin cu bay. Paso akinan nos mes gobierno ta lembe pia di macamba anto hasi manera cos cu ta hende bobo so ta biba riba e pida lugar aki.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter