Tuesday, 21 October 2014
Minister De Meza for di Hulanda: Gobierno tin atencion total pa mehoracion di poder di compra di tur empleado Print E-mail
Thursday, 13 December 2012 18:22

Mike de Meza003

Minister di Finanza, ing. Mike de Meza den un declaracion duna for di Den Haag Hulanda ta bisa di tin comprension pa nan partnernan social, cu cual nan ta den negociacion riba e tema di indexering. Prome cu e mandatario a biaha pa Hulanda, el a participa den un Dialogo Social cu e diferente sindicatonan cu tin miembro trahando den sector gubernamental.

Den e negocacionnan aki a wordo informa cu Gobierno no por duna indexering den 2013, manera el a bin ta haciendo e ultimo dos añanan. Sindicato Polis di Aruba, SPA, a bay den su seno pa consulta cu su miembronan y a manda un carta di reaccion pa Gobierno den cual nan ta informa di no por acepta cero porciento di indexering. “Nos tin comprension pa tur nos partnernan sindical, comercial, social na Aruba. Nos ta un Gobierno habri cu ta sinta na mesa pa busca solucion. Nos ta trahando riba un reaccion pa manda pa SPA,” de Meza a bisa. El a splica cu siman pasa a sinta tres biaha cu e sindicatonan y a palabra cu dia 19 di december lo sigui cu e deliberacionnan, ya cu tanto su persona como Prome Minister Eman ta realisando un bishita di trabou na Hulanda. E carta di SPA ta pidi pa sinta prome cu diadomingo awor, sinembargo a informa nan cu esey no ta posibel ya cu nan lo yega Aruba te dialuna awor, 17 di december. Esaki a informa SPA tambe den un carta y invitando nan pa sinta na mesa asina, tanto su persona como Prome Minister Eman yega Aruba.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter