Saturday, 25 October 2014
Oradornan den forma elocuente a ilustra e bentahanan di Aruba den kick off evento di “Europe meets the Americas” Print E-mail
Thursday, 13 December 2012 18:59

 Kick off meeting Europe meets the Americas 13 12 2012 Den Haag (3)

E sala tabata yen, e ambiente bon y loke a wordo treci dilanti pa Prome Minister Eman y e diferente oradornan tabata fantastico. Aruba un bes mas ta den luz positivo. E concepto di gateway cu e actual gobierno tanto ta boga p’e a haya su debido atencion durante un presentacion na Den Haag. E bentahanan ta grandi. Presidente di Carbon War Room dr.Jose Figueres a ilustra esaki den un forma elocuente.

Otro orador na e kick off evento aki di “Europe meets the Americas” tabata Marion Kappeyne van de Coppello, kende no mucho tempo pasa tabata embahadora di Reino na Colombia. Sra. Kappeyne a wordo ‘presta’ na Aruba dor di Ministerio di Asuntonan Exterior pa su conocimento di Latino America, pero mas tanto pa haci uso di su netwerk amplio pa duna contenido concreto na e concepto di gateway. “Esaki ta mi prome dia di trabou. Ora Prome Minister Eman a puntra mi pa bin traha p’e, el a haci’e di tal forma cu mi no por a bisa no. Mi no tabata kier a bisa no tampoco, pasobra mi ta kere den su vision pa loke ta futuro di Aruba. Awor cu e relacion cu Europa y Latino America ta cambiando di ‘aid pa trade’ e oportunidadnan pa Aruba ta bon pa fungi como gateway. Ami ta mira Aruba como un estimulo pa promove e relacionnan comercial entre e continentenan”.

Director di TNO Martin van Bracht a admiti cu den cuminsamento e tabata sceptico ora Aruba a wordo elogia como un localidad pa establece su compania. ,,Nos ta wordo asina tanto biaha aserca cu storianan bunita, pero toch mi a laga nan convence mi pa bay wak mi mes na Aruba. Mi a constata cu Prome Minister Mike Eman y su gobierno no tin solamente vision, pero ta compromete nan mes 500%. Esaki a cambia tur cos. Aña pasa nos a habri un localidad na Aruba, TNO Caribe. Mientrastanto nos ta trahando for di eynan den e region y Latino-America. Mi no por bisa otro cu: Come and join us!"

Investigadora Caroline Rodenburg di Ernst & Young a papia un tiki di e estudio cu riba ordo di gobierno di Aruba ta wordo haci pa pone riba mapa pa e mundo empresarial Hulandes y Europeo sectornan di mercado prometedor pa cua Aruba ta e base perfecto. Na luna di mei e resultadonan ta keda presenta na Oranjestad, pero ya ta  bisto caba cu hustamente pa empresarionan Hulandes/Europeo tin masha hopi posibilidad di expansion den Latino America y cu Aruba ta e trampolin ideal. Aki no ta trata tanto di multinationals grandi cu mas tanto sa con haya nan caminda, pero pa negoshinan mediano y pa esnan cu ta duna servicio cu por tin benataha cu Aruba como nan aliado. Laurens Jan Brinkhorst a bisa cu for di tempo cu e tabata minister di Asuntonan Economico y despues embahador pa Union Europeo el a reconoce e potencial di Aruba pa hunga un rol den e intercambio comercial internacional. ,,Mi a mira e tempo ey caba e oportunidadnan, pero na Hulanda e atencion tabata mas tanto enfoca riba pasado. Mester a wak cu otro wowo na Reino. Aruba ta e prome cu a haci esaki. Awor mester bin un cambio di pensamento di Hulanda pa por mira cu loke Aruba tin di ofrece ta interesante pa Hulanda tambe”. Na final tur orador cu dor di Eman a haya e titulo ‘pionero di e Aruba nobo’ a haya un aplauso grandi, esaki como prueba cu e mensahe ta cla y raspa.  

 

 

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter