Saturday, 01 November 2014
Parlamentario Clarisca Velasquez: Danki na bon relacion den Reino M.S.K. Ta keda Aruba Print E-mail
Thursday, 13 December 2012 19:46

Clarisca Velasquez013

Awor cu gobierno nobo di Hulanda a sinta nan periodo di gobierno gobierno di Aruba a mira e necesidad pa sinta cu e gobierno nobo pa asina sa e pensamento di e gobierno nobo di Hulanda pa cu nos base militar na Aruba! Mirando cu e gobierno di Hulanda lo ta austerizando riba hopi tereno.

E minister di defensa di e gobierno saliente di Hulanda sr. Hans Hillen a insisti cu e base militar mester keda Aruba y esaki gobierno di Aruba a aprecia masha hopi mes pasobra si e base militar bandona Aruba lo ta un perdida grandi den cuadro di seguridad di nos isla pero tambe economicamente ja cu e base militar na Savaneta ta genera hopi cupo di trabao pa nos hendenan y tambe nos militarnan lo mester bai establece otro isla y of lo perde trabao y esaki no ta conveni Aruba den ningun forma! Y pesey nos minister president Mike Eman a sinti e necesidad pa sinta cu Hulanda pa asina hanja sa e pensamento di e gabinete nobo di Hulanda pa cu nos base militar na Aruba. Y aki a bin tende di e gabinete nobo di Hulanda y di su minister nobo di defensa Sra Jeanini Hennis cu nan tambe ta di mesun pensamento cu e gabinete anterior cu e base militar Hulandes na Aruba mester keda existi den cuadro di seguridad y trankilidad di nos region y tambe pa Hulanda y reino completo! A reafirma e permanencia di nos base militar Hulandes aki na Aruba y ta contento cu esaki a wordo confirma. Esaki Aruba a logra a base cu bon relacion cu reino y a base di bon cooperacion di trabao! Gobierno di Aruba den persona di minister president Mike Eman y minister di Finanzas y Energia Mike de Meza a keda sumamente agradeci cu e confirmacion aki di e minister di defensa nobo di Hulanda paso nan sa e importancia di e permanencia di e base militar aki na Aruba. A gradici e minister di defensa pa e cooperacion riba e formacion social cu gobierno a bin cune pa duna hobennan cu no a caba skol y cu kier un segundo oportunidad den bida pa nan hanja formacion na e mariniers kazerne. Ta contento con gobierno cu vision pa futuro di nos dushi Aruba ta sinta cu gobierno nobo di Hulanda pa asina garantiza y reconfirma e permanencia di nos base militar Hulandes na nos isla sigurando asina nos economia y tambe e cupo di trabao di tur nos hendenan cu ta traha na e base militar na Savaneta! Pabien na gobierno di Aruba cu e logro aki!

Comentarionan (1)Add Comment
Zoya den mi stoel
December 13, 2012
137.224.226.123
Votes: +5
...

Esaki a wordo bisa na september 2012 "Cierre di kazerne di Savaneta no ta na discusion" http://www.24ora.com/local-mai...discusion-

Dus ta di berdad ta show y mas show

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter