Sunday, 20 April 2014
Benny Nisbet (PPA): PPA a repasa programa di AVP 2009 pa mira unda trein/tram of trolley ta menciona den vision Print E-mail
Thursday, 13 December 2012 19:49

Benny Nisbet003

Durante e dianan aki e prome ‘Trein – Tram-Trolley’ lo jega Aruba pa por worde pone den su funcion como parti di e infra-structura pa e turista cu ta bini cu e Cruise ships por jega nos Caya grandi mas fascil. Prome Ministro Mike Eman a ejecutando e plan di un Trolley aki combina cu e reconstruccion di Centro di Oranjestad, AVP ta duna contenido na e vision NOBO cu nan a priminti e pueblo di Aruba. Cu otro palabra e TROLLEY lo ta e simbolo di e vision cu AVP a priminti na e pueblo di Aruba.

PPA ta di opinion cu e reconstruccion di Centro di Oranjestad tabata necesario a consecuencia di e locual nos por jama ‘ e atraso’ den curso di ana den Centro di nos Capital y specialmente despues cu tanto AVP como MEP a permiti un desaroyo dilanti nos Hotelnan “High Rise” cu a hasciele dificil pa Centro di Oranjestad sobrevivi.

Desde 2006 pa 2009 PPA a mustra riba e atraso di Centro di Oranjestad den varios articulo….un di nos articulonan mas jamativo den esaki ta carga e titulo ‘ORANJESTAD …QUO VADIS ?” cual articulo di PPA ta data di ana 2007. Tambe durante e periodo cu e grupo henriques tabata preparando un vision, PPA a sostene e proceso aki for di un distancia, pasobra nos a considera esaki hopi necesario. Tambe mester menciona cu den estudionan di FESCA e fundacion di estudio di AVP nan ta mustra riba e necesidad di re-construccion di e Centro di Oranjestad. Pero locual NINGUN caminda PPA no por topa ta unda den nan documentacion sea FESCA of partido AVP mes ta menciona e intencion di presenta un “Trein, Tram of Trolley” cu lo core for di haf pa cabez di caya y bek como un idea, un vision y mas cu tur e symbolo di renovacion necesario.

PPA a dicidi di repasa algun documento di AVP y di FESCA y nos por menciona lo sigiente: Den e documento di FESCA 2008…..nos PPA NO a topa cu nada cu ta referi na Trein, Tram of Trolley !!!!!.

Den e Programa cu AVP a bai eleccion cunele 2009 – 2013 nos a encontra lo sigiente:
“3.3.1 punto 9. Lo larga traha un plan pa mehoracion Integral di infrastrucutra basa e.o. riba Rapport FESCA.

Restaura Centronan di Playa y San Nicolas….pero NO ta menciona nada di un Trein, Tram of Trolley na Oranjestad.
Projecto Down Town pag 29 …..tampoco NO ta menciona nada di Trolley !!

Nos lo cita locual ta worde menciona den programa di AVP 2009.

“E area rond di Caya Grandi na Oranjestad (Playa) mester bira mas atractivo pa e publico cumprado. Den consulta cu TUR esnan concerni lo discuti e plannan pa desaroyo di Caya Grandi pa asina delinea e rumbo cu mester sigui pa cu e desaroyo aki”.

“ Di aki lo tin busnan chikito (shuttle) pa transporta esnan cu ta hasi uso di e lugar di para auto gratis aki pa Centro di Ciudad.”

Despues PPA a bai repasa e programa official di gobernacion di AVP esta ArubAriba 2009 - 2013……aki tampoco nos a bin topa cu NINGUN intencion di larga un Trein core for di haf di Oranjestad pa Caya Grandi y bek ……corda pa esaki ta un VISION di AVP !!

RegeerProgramma ArubAriba 2009 -2013.

Aki PPA ta cita for di capitulo 8.2.2 Wegenent pag. 61.

“In Oranjestad wordt de locale infrastructuur verbetert en betaald parkeren ingevoerd. In combinative hiermee wordt de parkeercombinatie uitgebreid. Er komt een gratis alternatief in de vorm van meer parkeerterreinen aan de rand van het StadsCentrum met een shuttle(zoals een trolley of tram) naar het Centrum”. Tambe riba pagin 60 ta worde papia un rato di e Binnenstad Oranjestad……pero nada di Trein, Tram of trolley cu lo core for di haf pa Oranjestad.

Kiko nos ta saca for di e documentonan di AVP cu PPA a repasa…….:

Cu ningun momento NO tabatatin ningun vision di AVP pa un Trein, Trolley of Tram core for di haf pa cabez di caya y bai bek !!
Den gobierno mes scirbiendo nan Programa di Gobernacion AVP NO a menciona esaki mes……ta solamente un shuttle…pa servicio publico cu prome nan a jama un servicio di bus, despues a menciona cu esaki lo por ta un Tram of Trolley pero pa pueblo arubiano…pa hiba esnan cu parkeer nan auto den un lugar di parkeer cu AVP lo construi na rand di Stad ….na Centro di Stad.

Cu otro palabra e storia.mentira di nos Prome Ministro Mike Eman(AVP) cu esaki ta un VISION di AVP y ta simbolo di e VISION NOBO ……ta simpelmente un mentira flagrante….pasobra AVP a presta pa nos NO usa otro palabra e idea/vision aki for di e Programa di PPA pa eleccion 2009 -2013.

 

PPA su programa si ta menciona uso di un trein/trolley pa hiba turista for di haf pa cabez di caya y bek, unico partido !!

PPA a parti di su programa pa ultimo eleccion den 7 parti. Parti no. 7 ta hiba e titulo “ MASTERPLAN PA INFRUSTRUCTURA DI PAIS ARUBA” tanto den e introduccion como pag 3 di e ‘brochure’ PPA ta menciona y nos ta cita: TREIN PA GARANTISA ‘LINK” PA COMERCIO DI ORANJESTAD ! “ Pa garantisa un ‘link’ atractivo pa e pasaheronan cu ta bishita Aruba riba Cruise ships lo bishita e Centro di Oranjestad, Caya Betico Croes y vecindiario. PPA lo ejecuta e projecto di “un TREIN” cu ta core di haf pa cay principal y bek . y como punto no. 2 di e plan aki, PPA ta menciona: PPA a dicidi esaki despues cu nos a discuti e consecuencianan di e maneho di AVP/MEP pa a permiti desaroyo dilanti e ‘High Rise Hotelnan’ cu a minimalisa e atencion di turista pa Centro di Oranjestad. Pa esnan cu ta duda den nos palabra …nos ta invitanan pa bishita e ‘webpage’ di PPA cu jama ‘ppa_aruba.org’ y bai na e programa PPA 2009, bo lo topa cu 7 capitulo. Habri capitulo no 7 ‘Masterplan pa Infrastructura y lesa punto no. 2.

Remarkable ta cu punto no. 1 di e Masterplan pa desaroyo di nos Infrastructura PPA ta mencion “mantencion di nos brugnan na Spaans Lagoen” anto esey tabata un di e prome si no e prome projecto cu AVP a dedica atencion na djele na momento cu nan a drenta gobernacion. Fuera di esaki PPA a worde informa e prome lunanan di gobernacion di AVP cu unda cu bo drenta den e oficinanan di gobernacion di AVP tabatatin diferente programa di PPA sea riba lessenaar, mesa di reunion of hasta muraya pega. PPA NO tin nada contra cu nos vision/idenan ta worde presta pero nos ta kere cu e partido cu prestanan mester tin e grandeza di reconoce e otro partido di kende el a presta un vision of idea…. Y NO pretende cu un vision/idea clave asina ta bo idea…..of vision…..Foei AVP…..!!! Ja ta dificil splica bo votadornan cu awor cu abo a gana bo ta bai ejecuto programa di esun cu a perde….pero ja esey ta e realidad.

Comentarionan (3)Add Comment
TA
December 14, 2012
201.229.72.58
Votes: +2
...

mi tampoco tene riba papel, pero mi vision pa bo benny, bo lo keda hania ZERO te dia bo biba bek.

R.R. Ras
December 13, 2012
201.229.45.78
Votes: +7
...

Ken Benny ta representa y cual partido politico?

dog
December 13, 2012
201.229.31.58
Votes: +7
...

BENNY, di kwa PPA bo ta papia anto?? homber grandi manera bo ta sinta papia bobedad.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter