Tuesday, 22 July 2014
Parlamentario Clarisca Velasquez: Hopi di e projectonan di renobacion di nos Aruba biniendo cla dunando asina speransa atrobe Print E-mail
Thursday, 13 December 2012 19:49

Clarisca Velasquez005

Ora e gobierno aki a sinta a hanja un Aruba cu un infrastructura deteriora. Edificionan di gobierno para bashi cu hasta adictonan ambulante a "kraak" e edificionan aki. Nos por a tuma nota di un joya di projecto e monumento di edificio di corte cu a keda bandona y manera e gobierno aki a sinta a cuminsa restaure y awor ta kedando cla pa muda corte bek na e edificio aki dunando bida bek den centro di ciudad.

Un watertoren na playa y tambe na San Nicolaas cu ta landmark pa nos isla cu a wordo restaura den nan forma original ja cu tambe ta monumentonan. Edificio di kokolishi ta un projecto nobo cu ta bai bira un annex di bestuurskantoor existente tambe ta hanjando forma. E edificio caminda antes ontvanger der belasting tawata situa tambe ta den su fase di renobacion caminda lo ubica dos departamento di gobierno. Caya grandi mes cu a hanja un restauracion total for di anja 1988 cu ultimo cu a hanja un facelift y cu ta den su fase final di restauracion y ta kedando hopi bunita mes. Nos gobierno cu vision pa restaura centro di cuidad y Oranjestad completo a cuminsa restaura edificionan di gobierno cu a wordo laga para bashi for di ora nan a asumi gobernacion y awe nos ta orguyoso di mira con centro di ciudad ta kedando. Un gobierno cu a mustra cu nada ta imposibel pa logra y cu perseverancia y stimacion pa nos isla ta logra restaura nos centro di ciudad. Un diferencia grandi cu e gobierno anterior cu a laga tur su edificionan deteriora y un centro di ciudad morto awe un gobierno cu jen di optimismo ta retaurando Aruba den su forma di un pais di 5 streya! Pabien na gabinete Mike Eman 1 cu su vision y curashi!

Comentarionan (1)Add Comment
ashish
December 13, 2012
201.229.127.193
Votes: +4
...

Great! Pero sinceramente hopi caminda e afwerking ta laga hopi di desea, no tin control di calidad. Trabao ta wordo haci con cu ta basta e keda kla! Perfecto e no mester ta, pero e mester ta bale la pena e inversion y esey mayoria di e trabaonan ehecuta no ta.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter