Friday, 19 December 2014
Booshi Wever: Rapport ARA: Un otro leerboek mas, envez di adresa punto di integridad y confianza den un departamento importante Print E-mail
Thursday, 13 December 2012 22:29
Comparti

Booshi Wever009

Contrario na loke nos a spera cu ARA lo a bai haci, esta di investiga cierto situacionnan cu a, y ta bin ta tumando lugar na Servicio di Impuesto, ARA a bin cu un rapport na unda cu e ta duna liñanan general riba asunto di integridad den e departamento aki.


E lid-rapporteur di ARA, un persona cu nunca no a sconde su color politico bou mesa, y cu tambe a yega di traha na dicho departamento, ta bisa cu a constata cierto hechonan prome. A base di e hechonan aki a traha un rapport interno, y despues a bai papia cu e hendenan mas cerca na e situacionnan aki.
A dicidi di bai wak e ora e reglanan interno y wak kico por haci pa drechanan.
E rapport aki ta parce di tin mesun caracter cu e afamado rapport di algun tempo pasa, esta “Rapport Calidad” cu bou gabinete Eman a yega di wordo traha, pero cu awendia ta wordo “met de groene laarzen getrapt”.

Lo ta interesante pa sa for di e activista di AVP aki, kico ta e hechonan cu a wordo constata y cu kendenan a wordo papia riba esaki. Tambe e persona aki, den su presentacion ta indica cu awor aki SIAD tin un Management Team y un waarnemend Directeur.
E lo por a informa nos y pueblo kende ta den e management team y kende ta e waarnemend Directeur?
Y kico ta para di e directora di belasting actual? Dicon no a papia cu ne?

E miembro di ARA en cuestion ta indica tambe cu inicialmente tabata e intencion pa check e asunto di lekmento di informacion na SIAD, pero despues cu Parlamento a dicidi otro, a cambia e obhetivo di e investigacion.
Riba cual lekmento ta referi aki? Masha bon e por menciona tambe, si tabata tin otro lekmento, cu tabata vale la pena investiga y e pasonan cu a wordo tuma pa coregi e situacion aki?

Den e reaccion di Ministerio di Finanzas riba e rapport di ARA, unda ta poni riba e punto cu ARA ta haya cu mester tin actuacion mas consistente y liher riba cierto situacionnan na SIAD, ta bisa cu na 2011 minister, den e caso di lekmento, mes ora a ontzeg 4 persona e acceso na trabou y despues a bai over na nan schorsing. Segun minister, ARA no a papia riba esaki y e mes ta haya cu el a actua diligente.
Segun ARA no tabata intencion pa bai riba casonan concreto, y cu lo mester tin reglanan mas cla riba tipo di pasonan asina.

Loke ta interesante pa sa den e caso aki, tanto for di ARA como di minister, pakico nan a kita e autoridad (bevoegdheid) aki di e directora di SIAD algun aña pasa y laga minister mes handle esaki?
No a kita e autoridad aki na momento cu, den un caso similar cu esun di un comerciante, amigo di AVP , e directora a dicidi di "ontzeg toegang" na e empleado cu a saca informacion di comerciante C., un persona cu no ta amigo di AVP y cu tin un otro color politico cu e gobierno? Minister e tempo ey a duna orden, sin laga e investigacion cana su caminda, pa laga e trahador bai bek trabou. ARA no ta haya cu di e manera aki hustamente minister mes ta kibra e autoridad di e directora pa por actua, haci investigacion y coregi e situacion?

Den e dianan cu ta bini, nos lo sigui studia e rapport cu a keda presenta, pa asina nos trece nos comentarionan ariba e aspecto aki. Di un rapport cu mester a trece claridad, awor nos ta ripara cu ARA a traha un rapport con ta bai “richt in” e concepto di integridad na SIAD, remarcando tambe cu e rapport aki por wordo usa pa otro departamentonan como punto di salida pa mehora e integridad bou di departamentonan.

UPP ta kere cu esaki no tabata trabou di ARA, pero mas bien mester tabata un trabou cu mester a wordo haci pa gobierno y su departamento di recurso humano.
Tambe mester aplica e aspecto aki di integridad for di ariba bai abou, cuminsando na e cuerpo di ministernan prome.
Pa locual ta trata lekmento di informacion, e rapport di ARA ta bisa, cu accion rapido hopi biaha ta na su lugar, pa asina investigacion wordo haci ora informacion lek.
Minister den su reaccion ta bisa cu esey ta hustamente locual el a haci na 2011 contra 4 trahador cu supuestamente lo a comete e pifia di laga informacion di un comerciante amigo di e gobierno actual y AVP sali, pero cu e, Minister, no ta comprende pakico esaki no ta wordo menciona.
Aunke ARA na su turno ta bisa cu nan no a bai riba casonan specifico, ta parce UPP cu e motibo pa esaki ta cu ARA e ora ey lo mester a bin cu e caso tambe di 2010, unda informacion di un otro comerciante, cu NO ta amigo di e gobierno aki ni di AVP, a sali den publicidad. E tempo ey leiding di SIAD (no tabata tin MT ainda), cu e apoderacion ministerial, a "ontzeg toegang" na e trahador aparentemente envolvi, ya cu segun investigacion preliminario parce cu ta for di su computer e informacion a wordo saca. Minister di Finanzas a reacciona, a anula e decision di Director di SIAD (poder cu Minister tin al final), y a duna orden pa e persona aki bai traha bek; cu esaki e investigacion a para tambe!
Cosnan no a keda te eynan; minister a bai asina leu di kita e poder di Director pa actua den tipo di casonan asina, alegando cu esaki ta un decision “overheidsbreed”, locual absolutamente NO ta e caso.
Awor ARA ta casi bisa minister cu esaki mester ta e medidanan cu mester tuma pa por haci investigacion.

Den e caso di e otro 4 ambtenaarnan, minister a core "ontzeg nan toegang", y hasta bai over na schorsing, pasobra nan a saca informacion di e comerciante amigo di e gobierno actual y AVP. Recientemente e comerciante aki a declara cu e tin pensa di hasta entrega keho contra e personanan aki. Ainda kizas ta tempo pa e comerciante C. tambe haci tal? Aparentemente den e caso di e comerciante amigo di AVP, e informacion cu a leak ta di un carta cu e comerciante amigo a manda bisando cuanto e ta dispuesto pa paga, y NO ta informacion di su entrada of debenan. Ta un carta cu lo a wordo saca via di un telefon celular y pasa e tempo ey pa un tercer persona.
E asunto aki ta hopi serio, ya cu e ta parce di ta un wega of set up cu a uza e tercer persona pa asina haya motibo pa move 3 Hulandes y un Arubiano yega na ex-mandatario y miembro prominente di AVP, tur expertonan professional, y segun informacion hendenan integro, mester a somenta pa asina ey faborecimento politico por tuma lugar, particularmente pa comerciantenan.

Ora ARA ta papia di integridad, ta e asuntonan aki mester a wordo investiga. ARA ta basa su mes riba reglanan cu tin skirbi y loke falta, y tambe combersacionnan cu nan a hiba cu personanan den SIAD
(pagina 48 di e rapport). Practicamente ta tur e hendenan cu nan a schuif den e posicionnan cu ta ayega na minister, ta esnan cu a wordo scucha (kizas cu 2 of 3 excepcion).

Importante tambe lo tabata pa ARA a tene cuenta cu loke ta wordo treci den prensa y e sentencianan cu tabata tin na 2011 den e caso cu Director di SIAD y Hefe di Ontvanger a entama, ora cu nan tambe a wordo "ontzeg e toegang". Pasobra eyden tambe hopi aspecto di integridad y autonomia di SIAD ta bin dilanti.
Tabata bon pa ARA a wak ademas concretamente e situacion di privilegiamento di cierto hendenan.
Nos por a ripara cu den un comunicado, gobierno ta bisa cu comerciantenan tambe tin mesun derecho cu pagadornan di belasting pa yega na cierto areglonan.
Pero den e caso di e comerciante amigo, di Noble Jewelers - y manera U.P.P. tin comprendi, awor aki tambe di un comerciante di apellido P. - minister ta wordo acerca pa cierto tratonan di privilegio, y minister ta mandanan pa acudi cerca su MARIOneta na belastingdienst - cu pronto lo tin schaal 16 mas 25%, mientras cu ni un HBO studie e tin - pa e por haci areglo.
No ta kita afor cu tur comerciante, mas ainda tur pagador di belasting, por yega na areglo, pero aki aparentemente ta trata di afdrachtnan di inhouding di loonbelasting di trahadornan, inhouding di primanan social manera di AZV, AOV-AWW, cu ta wordo teni atras pa e comerciante, pa esaki despues trata na yega na un areglo pa paga menos, of ta bai over pa manda nan compania failliet pa no tin nodi paga esaki.
Loke ta pasa ta cu e trahador sí ta keda cu e debe; y esey ta totalmente inacceptabel pa U.P.P.!
Placa cu e comerciante y otro dunador di trabao ta retene for di su trahador, mester pasa mesora pa belastingdienst, y no por ta asina cu ta hunga cu e placa aki, ta haci negoshi cu ne, pa despues hasta no kier paga esaki mas.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter