| Premier Eman tabatin combersacion constructivo cu Minister Opstelten |
 |
 |
| Friday, 14 December 2012 17:27 | |||
 Despues di un update general riba e desaroyonan socio economico na Aruba, Prome Minister Eman a papia riba e deseo di Aruba pa realisa un facilidad di Pre-Clearance na unda e pasaheronan ta pasa dor di Imigracion y Aduana na Aruba mes prome subi avion pa bay Hulanda.
Aruba mester di e sosten di Minister Opstelten pa esaki, pasobra cu e ta e persona responsabel pa e maneho di imigracion. Opstelten ta sostene e deseo di Aruba pa bin cu un Pre-Clearance na aeropuerto di Aruba, asina Eman a bisa na final di nan combersacion. ,,E ta mira cu e concepto di Pre-Clearance ta pas den e pensamento di Aruba pa forma un brug entre Aruba y Hulanda y vice versa”. Prome Minister Eman den su combersacion cu Opstelten a pone enfasis riba e rol importante y e balor grandi cu Kustwacht di region Caribense tin den proteha e costanan di e islanan. Kustwacht ta un responsabilidad comparti di e paisnan di Reino”, Eman a bisa. ,,Nos ta comparti e opinion encuanto e obhetivonan di Kustwacht y ta cumpli cu nan. Pa loke ta cuestionnan operacional nos ta busca e solucion. Aruba ta dispuesto pa haci esaki”. Minister Opstelten tabatin palabranan di elogio pa gobierno di Aruba. “E ta un isla fantastico. E Prome Minister ta traha den forma excelente. Aruba ta bin aki den bes en cuando y ta tene nos na haltura. Nos ta aprecia esaki.Aruba ta un parter confiabel y constructivo dentro di Reino”, Opstelten a bisa. Durante su bishita di trabou e siman aki na Hulanda Prome Minister Eman tabatin encuentronan cu varios miembro di Gabinete Hulandes. Semper Eman ta trece dilanti e mensahe positivo y ambicionnan di Aruba. Aruba ta e pionero di e bon relacionnan cu tin dentro di Reino y kier fungi como e gateway entre Europa y Latino America.
Comentarionan (2)Mustra/Kita comentarionan ...
No ta importa unda bo a nace, tanten cu bo bin traha y hasi bo hogar pa aña's nan largo y traha pa hiba e pais aki padilanti, y represente dignamente pa juda su progreso bo por sinti bo mes Arubiano, y nos no mester descrimina, kende ta rubiano door en door ? Si bo sa bo historia un tempo tur nativonan (indjan) a worde saca di aruba pa traha na Hispañola y Aruba a keda bashi, di unda bo ta kere bo famia a bin ?
,
December 15, 2012
Duna Comentario y/of Comparti riba Social Medi |
Mustra/Kita e formulario di comentario
Piet Pronk = NL door en door.