Tuesday, 30 September 2014
Tweede Kamer elogiando e ‘ehempel Aruba’ Print E-mail
Friday, 14 December 2012 17:29
DSC_2063
Miembronan di Tweede Kamer cu diahuebs ultimo a asisti na e presentacion di Prome Minister Eman, a elogia e forma dinamico con Aruba ta atacando e consecuencianan di e crisis mundial. Mientrastanto ta un tradicion cu Premier Eman un bes pa aña ta informa e comision di Tweede Kamer di Relacionnan di Reino di e resultadonan di e aña cu ta tras di lomba y di e plannan di e aña cu ta bin.

Eman a papia di e retonan cu tabatin, pero cu su gobierno a tuma pasonan adecua pa wanta Aruba riba curso. E tabatin palabranan di aprecio pa e aporte di organisacionnan di dunadornan di trabou, di sindicatonan y otronan envolvi den e Dialogo Social cu a pone un fin na polarisacion y cu awor tin un plataforma amplio di sosten pa e reformanan necesario.

,,Nos no a solamente austerisa pero a inverti tambe den e clima di bida. Nos a constata cu economia den e ultimo 25 añanan a crece, pero cu e bienestar di nos hendenan no a cana paralelo. Pesey cu concientemente nos a scoge pa un crecemento di calidad y no di cantidad. Banda di hotelnan di cinco strea nos kier tin scolnan di cinco strea, bario y casnan di anciano di cinco strea. Apesar di e ciere di e refineria nos economia ta crece otro aña cu 5%. E economia ta wordo fortifica cu un di tres pilar dor di posiciona Aruba como gateway duradero entre Europa y e Americanan”, asina Premier Eman a bisa y cu esnan cu un entrada abou no ta sinti nada di e austerisacion tuma. Eman a tuma e oportunidad pa kita di caminda un malcomprondimento persistente cu tin na Den Haag cu e situacion financiero di Aruba lo ta malo. ,,Desde cu e gabinete aki a sinta nos a logra tur aña di baha e deficit. Na 2014 esaki ta bay yega na e norma internacional di 3%, pero nos kier bay mas aleu ainda. Ta nos ambicion pa desde 2016 no tin deficit presupuestario mas. Nos ta bay tuma medidanan pa garantisa esaki legalmente.Nos a haci finanza publico manehabel atrobe y esaki ta nifica cu na 2016 nos por termina e debe di gobierno.Tur ta motibonan pa ta positivo”. Eman a splica e Parlamentarionan cu esaki por bay mas lihe ainda si Hulanda ta dispuesto pa cana hunto cu Aruba pa refinancia debenan di estado riba mercadonan di capital internacional. Den esaki Hulanda no ta core ningun riesgo mientras Aruba por probecha di un interes mas abou cu tin como consecuencia directo cu Aruba ta spaar 20 te cu 30 miyon pa aña. “Si boso puntra mi kico Hulanda por nifica pa Aruba, anto e contesta ta esaki. Pero nos no kier pa esaki pone presion riba e relacion cu Hulanda. Nos no kier core e riesgo ey. Nos ta maneha nos mes perfecto awor aki, pero lo yuda si nos por baha e deficit mas lihe den un forma cu no ta costa Hulanda nada”

,,Mi ta hopi entusiasma cu e presentacion di Eman”, asina e presidente di e comision Jeroen Recourt a bisa, prome cu el a duna e miembronan di Parlamento oportunidad pa haci pregunta. ,,Mi ta sumamente contento cu bo ta aki. Den pasado tabatin hopi problema cu Aruba, manera cu tin problema awor cu cierto islanan, pero bo ta e prome cu a tuma e responsabilidad pa bin cu un vision cla pa loke ta Reino, pa wak kico nos tin na otro, pa wak con nos por yuda otro. Bo relato ta convenciente y pa nos inspirativo tambe y nos ta spera cu e otro islanan ta opina mescos. Mi ta contento cu bo ta logra pone boso finanza na ordo”, Ronald van Raak (SP) a bisa.

André Bosman (VVD) tabata masha impresiona, pero ta puntra su mes si e crecemento economico ta bin dor di inversionnan di gobierno mes. Minister di Finanza Mike de Meza por a kita e ponencia aki mesora for si mesa. Solamente un parti masha chikito, entre otro renobacion di centro di ciudad y mehoracion di bario ta wordo financia for di e presupuesto di gobierno. Madeleine van Toorenburg (CDA) a bisa cu Hulanda por ta orguyoso di mira con Aruba ta desaroyando su mes. E tabata kier sa un cos so.,,Kico nos como Hulanda por nifica pa Aruba. Con nos por fortifica boso y duna un bunita aporte na e isla?” Pierre Heijnen (PvdA) tambe tabatin palabranan di aprecio pa e forma con Aruba a atende cu e crisis.

President di e comision Recourt a cera e reunion gradiciendo Prome Minister Eman pa su presentacion inspirativo.,,Hulanda por tuma Aruba como ehempel”. E delegacion Arubano tabata consisti di Prome Minister Eman, Minister de Meza y Edwin Abath, consehero di gobierno Mito Croes, 'gateway-diplomatico' Marion Kappeyne van de Coppello y vice presidente di Parlamento Chris Dammers.

dowers dowers dowers
dowers   

Comentarionan (14)Add Comment
The Observer
December 16, 2012
201.229.46.167
Votes: +2
...

@Aruba Ariba, mihor nos no bida den pasado, nos no mester wak patras pa nos no bira un bloki di salo. Ta mihor nos biba den tempo presente, tirando un bista riba e possibilidadnan cu tin pa den Reino nos logra lo maximo pa nos aki na Aruba hunto cu Hulanda. Independencia riba su mes ta ningun sorto di garantia cu cada un di nos lo tin mas poder financiero. Al contrario, un Aruba independiente di supervishon di gobierno di Reino Hulandes lo significa cu portanan lo habri hancho pa corrupshon y desgracia pa mayoria di nos aki na Aruba lo resulta. Cu na Hulanda nan tawata descrimina nos, tawata na su lugar, como cu hopi tawata nos hendenan cu a bai probecha di uitkering...haci nada y cobra placa tur luna y hasta busca problema riba caya...

Aruba Ariba
December 16, 2012
201.229.118.227
Votes: +2
...

Elojiendo Aruha den kiko?y pakiko?Nos no mester duna Hullanda un eeuwige dank manera hopi Arubiano ta haci no lubida kiko nan a haci cu nos den pasado y tambe no ta nifica cu ora bo ta na Hullanda bo ta un Hullandes bo por probecha si di hopi reglas den bo fabor pero den praktijk bo ta un stranjero.Ariba bo pasaporte bo ta un Hullandes den praktijk no...Pakiko nan no ta p*****a mucho cu Suriname nan a laga Surinam na caya..Indonesia si a ch**a Hullanda nan a keda keto...Y sacamento di potret no ta nifica un accuerdo grandioso of historico..sea mas Arubiano y conciente duna bo mes un vrijemeninsuiting...y no sigi opinion fotografico...

proudaruban
December 15, 2012
89.98.58.147
Votes: -2
...

Ami ta orguyoso di ta parti di Reino Hulandes.Mi nacionalidad ta Hulandes.Y danki na esaki,tur rubiano por bai Hulanda studia,crece den bida,traha y biba.Tur e libertad ey.Y mira cuanto burico di Aruba ainda no ta realisa e voordelen.So many foolish people riba e isla.
Ami ta orguyoso con Mike ta TRAHA pa Aruba bai dilanti!Y busca un otro sector di inkomen pa Aruba,pa asina nos no ta afhankelijk di toerismo so. Esaki ta un prome minister.(Nel no ta jega ni enkel di Mike!

te
December 15, 2012
201.229.24.47
Votes: +2
...

Senjores Aruba a conoce pobresa pa casi 400 anja durante colonialisacion hulandes, pero danki na Estados Unidos desde 1929 y e turismo americano Aruba a wordu salba for di e pobresa cu Reino Hulandes a causa na Aruba, pakiko mester supervision hulandes, pakiko hulandes mes no ta busca supervision, manera un filosofo a yega di bisa kick your ass y un homber cu ta mara na su abusador, ta mitar homber.

the Observer
December 15, 2012
201.229.90.19
Votes: +1
...

Ta hopi bon cu nos prome minister ta haci intento maximo pa gobierno di Aruba ta den bon relashon cu gobierno di Reino Hulandes. Aruba ta parti di Reino Hulandes, cu cual hecho nos mester ta hopi contento. Aruba no por sobrevivi como isla independiente nunca; como independiente probablemente lo reina pobresa den casi ful e poblashon su totalidad... Laga nos pone un banda e pensamento generalisa cu nos ta wordo abusa door di Hulanda. Cu tin hende cu mal intenshon ta berdad den tur nashon. No perde for di bista cu nos por wordo abusa door di Arubiano mes tambe. Supervishon riba un base amplio, incluyendo gobierno di Reino, ta e mihor garantia pa democracia pa Aruba...

N'e chambonan berde
December 15, 2012
201.229.118.157
Votes: +4
...

Tipico 'Macamba Style', hup hup hupper-de-hup, tanten hulanda ta kere cu nan no ta financieramente responsabel pa Aruba, nan no ta worry cu Pueblo ta wordo dera bao debenan pa 3 generacion y tanten e t**dor cu ta yama su mes min pres ta firma tur loke hulanda ta pasa bao s* s****, nan no ta worry. Ora cos ta bay robes nan lo bisa: "je zei toch dat het zo goed ging, ruim nu zelf je rotzooi op".

Respect
December 15, 2012
201.229.80.115
Votes: +7
...

Wel wel wel nan mester di ta contento cu MP(mike) i su pandilja entregista. Entrega patrimonio di peublo i laga bo prohimo kai esey tawata boso gobernashon. E mentalidad capitalista ta bai laga nos peublo biba na rudia i di pobresa pa capricho di e grupito aki. Stop e mentalidad aki i kuminsa inverti den bo peublo ku boso a bende ku tur e nacionalidadnan ku si a probecha di e gobierno aki. Danki un Rubiano kastiga i precupa!!!!!

COSTABON
December 15, 2012
201.229.72.219
Votes: +7
...

Si cos ta pinta asina bunita y impresionante riba "papel" dicon boso no kier duna boso empleadonan indexering?
Atrobe hancho pa boso y smaal pa nos.
Sigui ganja e b**anan na Hulanda!

namaste
December 15, 2012
201.229.55.111
Votes: -3
...

Berdad tur tin e mesun pensamento envidioso i nan no tin nada constructivo pa bisa

... Low-rated comment [Show]
te
December 14, 2012
201.229.27.12
Votes: +6
...

Gobierno di Merca ta prepara pa manda 6 avion F-16 y un portaavion pa escolta Mike Eman pa Merca pa asina e por juda Merca cu su vision na rescate di Merca y Europa, hopi tin miedo cu un tercera guera mundial por kibra entre Europa y Merca pa motibo di un disp**a pa Mike.

... Low-rated comment [Show]
asina mes
December 14, 2012
201.229.9.254
Votes: +9
...

Spera bo por bira MinPres di Hulanda awor pasobra e pueblo Arubiano no ta kerebo mas.

normal
December 14, 2012
201.229.9.254
Votes: +11
...

Mike a bai ganja e bacanan na Hulanda

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter