Thursday, 30 October 2014
Benny Nisbet (PPA): A keda demonstra cu Gabinete Mike Eman (AVP) no tin vision pa San Nicolas ricibi turismo debidamente! Print E-mail
Sunday, 16 December 2012 15:59

Benny Nisbet002

Despues cu AVP a faya den reskate e refineria VALERO …pero a tene tanto trahador como pueblo cu mentiranan flagrante pa mante un speranza falso…e momento di e berdad a jega y awe ARUBA, San Nicolas y e trahadornan ta SIN un refineria.

Derepiente den pura a bai construi un Oficina di turismo na San Nicolas pa hasi como sifuera cu AVP tin otro alternative pa pueblo di San Nicolas. PPA a cualifica e apertura di e Oficina di Turismo na San Nicolas un decision AD HOC di Gabinete Mike Eman cu tabata demonstra cu e gobernacion aki NO tin un plan pa desaroya San Nicolas turisticamente pero ta tira para y hasta ta actua den panico awor cu e refineria VALERO a sera y San Nicolas NO tin ningun desaroyo nobo. PPA a splica hopi cla cu apertura di un oficina di Turismo mester ta na final di un proceso unda un gobierno cu un vision real a drecha e infrastructura y sitionan na San Nicolas y vecindario pa e turista por bishita. E apertura di un oficina di Turismo mester ta un senal cu San Nicolas ta cla pa ricibi turista, locual NO ta e caso pasobra gabinete Mike Eman NO a hasi nada. PPA a puntra na forma critico…..UNDA e projecto/sitionan ta cu a worde prepara pa e turista por bishita ….na San Nicolas ? Nada Nada……simpelmente pa AVP ta tira pa tuma e pueblo di San Nicolas cabez abao un viaha mas. No kabe duda cu e declaracion y mensahe di PPA a cai masha duro den seno di partido AVP y gobernacion Eman…….a core puntra nan mes kiko nan por hasi pa contradeci e ponencianan scerpi di PPA. Y a conclui cu miho manda e museum di Antiguedad cu semper tabata un di e iniciativanan ‘respeta’ di un ciudadano na playa sr. Mario Odor na San Nicolas anto e decision aki tuma den pura y panico. Cu e decision aki Gabinete Mike Eman ta demonstra cu PPA tin razon den nos critica cu Gabinete Mike Eman NO tin ningun vision pa desaroyo di San Nicolas. A tuma over e vision di PPA unda AVP ta bisa cu nan lo pone accento riba e aspecto Caribense tambe pero Ningun momento nan accion ta demonstra esaki. Nan NO a profundisa nan mes den e pregunta…Kiko ta e aspectonan Caribense cu ta forma parti di e historia di San Nicolas y consecuentemente di Aruba cu lo por worde usa pa projecta e districto di San Nicolas na nos turistanan. AVP simpelmente ta tira un para…… awor nos tin un Oficina di Turismo cu lo por informa e turista …..si nos tin un museo di anteguidad….cu antes tabata na Oranjestad….pero den panico Gabinete Mike Eman a mudele pa San Nicolas….anto den panico….ad hoc…. Pero te ainda NADA NADA di historia di San Nicolas. Un viaha mas cu e decision aki di Ministro Otmar Oduber a keda demonstra cu PPA tin razon, ora nos bisa cu AVP NO tin ningun ‘vision’ pa desaroyo di turismo na San Nicolas. E poco projectonan cu sea a worde ejecuta of ta den ejecucion ta projectonan/vision/idea di PPA cu pa colmo AVP a rechaza varios di nan den pasado pa awe bin hasi como sifuera ta nan idea e.o.: E renovacion di e Watertoren na San Nicolas E construccion di un plaza dilanti di Postkantoor….ora PPA a bin cu e idea aki y cu e proposicion pa jama e plaza aki Caribbean Plaza dedica na tur esnan cu a bin di e islanan den Caribe pa establece nan mes na Aruba y a contribui na progreso di San Nicolas, AVP a rechasa e idea aki, bisando e tempo ey nos ta Aruba…..nos NO ta Caribe……awe AVP ta realiza cu PPA tabatatin razon. Tambe PPA a cualifica e sitio aki como nos e “civic centre” di San Nicolas ….AVP a rechasa esaki pa anas, pa awe ejecuta e vision di PPA. E drechamento di e bunker na Juana Morto…cu te ainda no a inicia. AVP a rechasa e projecto aki di PPA…hasta cierto momento AVP a manda basha un parti substancial di e projecto akin a Weg Kust Batterij abao esta e baracknan unda e mariniernan tabata biba. PPA tabata e prome partido pa propone pa un Museum Carnavalesco combina Carnaval Village worde construi…. ! Awe AVP a prepara dos projecto di esaki…un cu lo mester bin un ex supermarket di Chines…cu tur respet y otro cu lo mester bini riba e tereno MAS CONTAMINA na San Nicolas cu tur sorto di peliger pa e pueblo Carnavalesco……..! PPA ta lamenta cu gabinete Mike Eman NO a prepara San Nicolas realmente pa un desaroyo di turismo y ta continua cu tiramento di para. Nos lo sigui cu nos oposicion di pafor di parlamento pa mustra nos pueblo riba e realidad cu pueblo mester tene cuenta cunele.

Comentarionan (1)Add Comment
R.R. Ras
December 17, 2012
201.229.42.147
Votes: +0
...

Ami lo desea den nomber di ken Benny ta papia? Segun mi ainda e homber aki no a realisa cu pueblo a corecu n'e y mand'e cas ya basta aña pasa. Benny bay sigi sosega e body politica ta past time pa bo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter