Thursday, 20 November 2014
Resumen di september di Banco Central ta confirma crecemento den turismo Print E-mail
Sunday, 16 December 2012 17:57
Comparti

Otmar Oduber006

Resumen di september di Banco Central ta conoci y Minister Otmar Oduber ta sumamente satisfecho cu e resultadonan cu ta wordo presenta pa loke ta turismo. Banco Central a constata cu den luna di september 2012, e cantidad di turista a alcansa 69.718, esta 9,4 porciento mas halto cu september 2011.

Banco Central ta indica cu e aumento aki ta refleha subidanan di 10,2 porciento (+3.351 bishitante), 6,7 porciento (1.443 bishitante), y 17,6 porciento (+1.157 bishitante) den e cantidad di turista for di, respectivamente, Norte America, Latino America, y Europa. E crecemento den e mercado di Norte America ta asocia cu e subidanan den bishitantenan di Merca y Canada di, respectivamente, 7,8 porciento (+2.458 bishitante) y 61,3 porciento (+893 bishitante). E mercado di Latino America a sigui crece, atribui na un subida den bishitante di Venezuela di 7,1 porciento (+1.086 bishitante). E aumento den e mercado Europeo ta relacionan principalmente cu un aumento den bishitante di Hulanda y Inglatera di, respectivamente, 467 y 318. Pa loke ta trata turismo crucero Banco Central ta indica cu e cantidad di turista crucero a subi cu 1.829 of 39,3 porciento te na 6.481 na september 2012, compara cu september 2011. E cantidad di barconan a baha un poco for di 4 pa 3 na september 2012 compara cu september 2011. Minister Oduber a duna di conoce cu e resultadonan positivo aki ta un refleho di su vision y e bon maneho y cooperacion cu ta tumando lugar entre e diferente partnernan den nos turismo. Expectativanan pa loke ta final di 2012 ta cu lo surpasa e meta di 3% cu a wordo stipula na inicio di 2012. El a probecha e ocasion pa gradici tur esnan cu a haci e bon resultadonan aki posibel, ta danki na cada un di nan, nan compromiso cu Aruba cu e logronan aki por wordo realiza.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter