Wednesday, 20 August 2014
Rene Herdé: Renobacion di leynan laboral como instrument pa elimina “cheap labor” y competencia inhusto Print E-mail
Sunday, 16 December 2012 22:47

Rene Herde007

Otro siman ta cuminsa tratamento di un serie di cambio den leynan laboral di Aruba. E cantidad di cambio ta grandi y e trabou pa yega na e cambionan aki tabata inmenso. Minister di labor sr. Otmar Oduber y su conseheronan laboral y huristanan a sinta pa basta tempo cu representantenan di doñonan di trabou y cu representantenan di trahadonan, pa yega na e cambionan.

Nan no a yega na concenso riba tur tema cu a pone riba mesa. Pero nan a yega leu. E ta nifica un renobacion necesario y grandi pa nos mercado laboral. Lider di fraccion di AVP a duna di conoce cu mester renoba nos leynan awor aki cu algun meta nos dilanti. Rene Herdé: ” Den e luna y añanan nos dilanti mester sigui cambia e leynan laboral, leynan di e diferente impuestonan y di leynan di seguro social. Nos mester haci esaki den un forma coordina y cu metanan bon cla nos dilanti. Dos di e metanan grandi cu nos mester tin nos dilanti ta pa elimina tur forma di cheap lobor cu ta danya posibilidadnan di un miho entrada y perspectiva di trabou y carera pa nos trahadorna. Y na otro banda mester elimina e competencia inhusto cu tin entre companianan cu ta cumpli cu ley y esnan cu no ta cumpli cu ley. E competencia inhusto aki ta masha malo pa nos trahadornan y pa companianan cu si ta traha di acuerdo cu ley. E cos aki ta malo pa henter nos pais. Ora di renoba nos leynan nos mester wak con por elimina tur posibilidad y tapa tur buraco cu e leynan ta permiti, pa e situacionnan di abuso y competencia inhusto continua.”

CHEAP LABOR

Tin hopi forma cu “cheap labor” ta sosode. Ata aki algun ehemeple. Trahadonan cu mester traha mas ora pa e mes un salario cu otronan pasobra ley ta permiti cu den un sector e maximo cantidad di ora pa por ehempel e salario minimo ta mas cu den otro sector. Trahadonan cu ta traha via un “contratista”  of “uitzendburo” cu ta haci e mes un trabou cu coleganan cu ta trahado fiho di un compania, pero cu no ta haña e mes un salario, ni tampoco e mes un condicionnan secundario di trabou. Trahadornan illegal cu ta bin Aruba y ta tuma cualkier trabou pa un salario bou di e nivel cu ta paga normal den e sector ey. Door di esaki trahadornan Arubiano of trahadonan legal ta perde oportunidad di traha of ta wordo forsa pa traha pa menos placa. Tur e formanan di “cheap labor” aki y otronan, mester wordo elimina. Den e cambionan di ley cu a wordo proponi awor, ta elimina hopi di esakinan.

COMPETENCIA INHUSTO

Competencia inhusto entre companianan ta sosode hopi y ta afecta e forsa di e compania y e ta causa “cheap labor” tambe. Un ehempel. Dos compania ta duna oferta pa haci un trabou. Un di e companianan ta paga su trahadornan salario normal segun nivel di mercado. E ta kita prima di pensioen, primanan di SVB, AZV y belasting di salario manera ley ta prescribi. Su oferta ta basa riba e trabou y e costo di salario aki. Un otro compania ta haci un oferta pa e mes un trabou pero no ta paga e prima di AZV di su trahadonan, e no ta paga e prima di pensioen y di primanan di SVB of belasting riba salario. Su oferta ta sali mas abou, pasobra su costo di salario ta mas abou. Si e paga salario bou di nivel di mercado su prijs ta mas abou ainda. E compania “barata” aki ta haña e trabou. Pero su trahadonan ta haña menos salario of hasta perde oportunidad di trabou. Gobierno ta haña menos belasting. AZV y SVB ta keda sin haña e prima di seguro. E compania aki cu no ta cumpli cu ley ta haña e trabou y e compania cu si ta trata su trahadonan husto y ta cumpli cu ley, ta keda sin haña e trabou. E competencia inhusto aki ta danya pa bon companianan, pa trahadonan y pa nos pais. E cambionan cu a propone den e leynan te awor aki, ta kita algun di e posibilidadnan pa stop e competencia inhusto.

Den e cambionan cu nos lo mester haci den e lunanan nos dilanti, mester aserca e renobacion di nos leynan den e forma pa elimina inhusticianan den un forma structural y fortifica tanto nos bon companianan como e posicion di nos trahadonan.   

Comentarionan (5)Add Comment
The Observer
December 17, 2012
201.229.42.181
Votes: +0
...

Cheap labor ta cumbini comercio... Si ta imigrantenan ta traha pa poco placa, caha di pueblo (gobierno) no ta haya placa... Pero e donjo di negoshi ta paga poco na salario y mira rond cuanto compania di manda placa den exterior a aparece ultimamente... Resultado: Arubianonan ta keda sin trabou, imigrante ta traha manera esclavo mientras ta manda tur placa cu e por pa exterior sacando divisas for di Aruba, pueblo di Aruba ta keda cu menos placa mientras pueblo tin cu paga belasting bai off, pero donjo di trabou si ta bira rico y hasta ta haya discuento astronomico riba debe di belasting. Obviamente henter e asunto aki ta cumbini comercio si... pero no ta cumbini pueblo ni husticia...Pueblo paga belasting bai off... Universidad di Aruba???

MOOI WEER !!!!
December 17, 2012
201.229.17.204
Votes: +3
...

E unico bienestar cu boso ta brinca pe ta di bosonan mes y nada mas!!!

The Observer
December 17, 2012
201.229.30.87
Votes: +4
...

Cheap labor ta cumbini comercio... Si ta imigrantenan ta traha pa poco placa, caha di pueblo (gobierno) no ta haya placa... Pero e donjo di negoshi ta paga poco na salario y mira rond cuanto compania di manda placa den exterior a aparece ultimamente... Resultado: Arubianonan ta keda sin trabou, imigrante ta traha manera esclavo mientras ta manda tur placa cu e por pa exterior sacando divisas for di Aruba, pueblo di Aruba ta keda cu menos placa mientras pueblo tin cu paga belasting bai off, pero donjo di trabou si ta bira rico y hasta ta haya discuento astronomico riba debe di belasting. Obviamente henter e asunto aki ta cumbini comercio si... pero no ta cumbini pueblo ni husticia...Pueblo paga belasting bai off... Universidad di Aruba???

asina mes
December 17, 2012
201.229.28.86
Votes: +9
...

Stop di beat around the bush. Tanten cu no tin control ariba nos frontera y ilegalnan ta fiesta ariba nos pais, semper lo tin competencia inhusto. Stop di inta e cos aki bunita y cuminsa maneha e departamento di labor na bienestar di Arubianonan.

N'e chambonan berde
December 17, 2012
201.229.124.232
Votes: +8
...

Bla bla bla, djis cana den Cays pa boso tende e patois (frances di haitianonan satanico) y spanjo dominicano mey mey e obreronan cheap labor, no tin NIUN Arubiano. Ki dia un Aruboiano ta traha pa salario di catibo?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter