Dialuna un dia importante pa pueblo di Aruba pasobra leynan nobo di labor a wordo trata den parlamento. Leynan cu ta trata reglanan nobo pa cu nos hendenan den sector laboral. Hopi reglanan anticua a wordo actualisa na bienestar di nos trahadornan di manera cu nos trahadornan por tin mas flexibilidad den nan trabao y e reglanan aki ta mas na bienestar di nos hendenan den sector laboral.

Despues di reuni den un comision mas cu 1 anja cu representacion di dunador di trabao, di trahadornan y di gobierno, banco central, comercio y economische zaken a logra e cambionan grandi aki den e leynan aki di labor.
Minister Di labor Otmar Oduber cu hopi entusiasmo a bin defende e leynan aki di labor den parlamento acesora pa huristanan cu a realisa e cambionan importante aki den e leynan di labor. Ta lamentabel si cu fraccion di Mep den su mayoria ausente den parlamento na momento cu e leynan aki a wordo trata. Ta tristo con un partido supuestamente social democrata no ta interesa pa sali na vanguardia di e clase trahador! Un ley asina importante pa nos trahadornan anto mep ausente den parlamento.
Esaki ta un lastima y ta bon pa pueblo di Aruba mes wak esaki riba e site di parlamento www.parlamento.aw con e fraccion di Mep ta wordo representa durante tratamento di e leynan di labor aki. Mayoria vez ningun parlamentario di Mep y leu a leu dos di nan ta bin scucha y bai bek! Pueblo di Aruba a duna Mep asiento den parlamento pa representa nan y atende leynan importante na bienestar di nos pueblo pero nan no ta cumpli cu nan responsabilidad di trabao pa cu nos pueblo. Y esaki ta di lamenta anto despues kier critica leynan pero nan no a duna nan contribucion ora nan mester a hacie. Pueblo por ta sigur cu fraccion di AVP tey cu tur su 12 parlamentarionan full time den e reunion aki y lo sa di sostene e leynan aki cu ta na bienestar di tur trahador den sector laboral aki na Aruba.

Comentarionan (4)

Mustra/Kita comentarionan

...

Masha bon ku parti di e parlamentario nan di MEP no tawata presente pa ku esaki. A pidi pa reahusta e ley ku AVP kier hasi kambio ku supuestamente ta na bienestar di e pueblo kual no ta berdad. Awor aki ku kambio di ley hopi lo wordu perhudika un ehempel, no mag di traha partime, overtime mas. dus nan ta obliga un trahador biba ku un salario bruto di 1.800fl pa luna kual netto kisas ta jega na 1.550,= fl y di e plaka aki mester kria su famia, awa, coriente, cable, cuminda, huur.....kon esaki por???? kiermen ningun hende no por traha partime mas banda di su trabow di 8 ora. ABUSO!!

djodjo , December 17, 2012

• 
• -3
• 
• 

...

sra velasquez, por fabor grow up..stop cu wega di mucha chiquito..wak den bo seno ken ta na unda...minjus na hulanda ta core pa atraco nan...minpres hunto minfin scondi na hulanda pa e aumento pa ambtenaar...sra. velasquez, locual boso mester trece back ta ley di h***a...pa asina pueblo por pasa e l*** rond boso n*** otro anja anto c***a boso cada un...

pedro tromp , December 17, 2012

• 
• -4
• 
• 

...

No worry nan lo tey ausente den proksimo Gobernason tambe,danki Dios.

Ami no ta Mep mas , December 17, 2012

• 
• +8
• 
• 

...

Esaki no ta nada nobo paso e ta pasa ora cu MEP ta na mando y awor e ta pasa ora AVP ta na mando y asina e lo sigui tambe, tin biaha mi ta sinti cu parlamento ta un circo completo paso niun gobernacion no ta bin cu niun tipo di medida ora cosnan asina ta pasa e hendenan aki mester comprende cu ta traha nan ta trahando y no por djies keda sin bai reunionnan.dia cu nan pone ley cu esnan cu no presenta na trabow no ta cobra of esnan cu no ta atende reunionnan den staten no ta cobra tampoco e dia ey nos lo cuminsa wak kambio.

prorubiano , December 18, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi