Monday, 01 September 2014
Burgemeester Ahmed Aboutaleb: Nos mester demostra y celebra nos union Print E-mail
Monday, 17 December 2012 18:16

1 Aboutaleb Eman

Concierto di Reino a tuma luga den fin di siman na e ciudad di Rotterdam. Como parti di e programa protocolario, a hiba palabra burgemeester di e ciudad, Ahmed Aboutaleb. Den su discurso Aboutaleb a enfatisa riba e union cu ta goza di dje den Reino y con nos mester traha hunto na beneficio di su miembronan, mescos cu e ta haci den su ciudad.

E politico cu ta goza di un popularidad grandi na Hulanda, a papia cu e concierto ta un momento cu ta demostra e union cu tin entre e paisnan di Reino. E concierto di Reino ta un simbolo pa tur Hulandes y tur esnan cu tin paspoort Hulandes, unda cu nan por ta na mundo. Rotterdam tin e comunidad mas grandi di Antiyano na Hulanda, calcula den mas di 20 mil persona. Aboutaleb a indica cu tur dia e ta traha na bienestar di esnan di origen Caribense. “Rotterdam tin bon relacion cu e paisnan den Reino. Varios biaha pa aña mi ta topa cu e Ministernan di Corsou, St. Maarten y Aruba. Nos ta papia cu otro riba e posicion di e comunidad Antiyano y Arubano na Hulanda, riba con nos por traha hunto pa mehora e posicion di nos hendenan. Nos ta ofrece otro sosten y asistencia,” asina e burgemeester a bisa. El a indica adicionalmente cu e no por keda sin duna suficiente importancia riba e hecho cu nos mester demostra y celebra nos union, algo cu e ta sinti personalmente orguyoso di dje. Na esaki Aboultaleb a argumenta cu na otro luga di mundo, no hopi leu, union no ta algo cu por conta riba dje. “E bienestar di e comunidad Antiyano y di esnan di Aruba na Hulanda no por ser mira los for di e bienestar di nos rumannan den Reino di paisnan di region Caribense.” Burgemeester Aboutaleb a expresa.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter