Sunday, 26 October 2014
Minister Ronald Plasterk: Concierto di Reino ta un Señal di Optimismo Print E-mail
Monday, 17 December 2012 18:20

front

Ronald Plasterk, Minister di Asuntonan Interno y Relacionnan di Reino tabatin na su encargo pa yama bon bini na esnan presente pa e Concierto di Reino cu a tuma luga algun dia atras na Rotterdam. E mandatario a califica e evento como e punto di encuentro pa e cuater paisnan den Reino por topa tur aña.

Plasterk a comenta cu e paisnan den Reino ta comparti mas cu solamente un historia, pero tambe un caminda hunto pa futuro. Pesey mes ta importante pa topa, wak otro den wowo, compronde otro, haya sa kico ta nos interesnan, ken nos ta y kico ta importante pa nos. “Precisamente dor di e distancianan largo den kilometer, pero tambe den cultura; ta importante pa nos haci e esfuerzo pa compronde otro. Dor di haci esey, consecuentemente nos ta bira miho hende,” Plasterk a bisa. Plasterk ta haya cu ta di hopi balor pa mantene un cooperacion den Reino caminda nos ta pone enfasis no solamente riba con nos ta sobrevivi, pero buscando un miho manera pa topa otro pa medio di cultura, manera a haci e anochi ey. Concierto di Reino a conta cu presentacion di artista y agrupacionnan representando Hulanda, St. Maarten, Corsou y Aruba. “Ta un honor di por tin boso tur aki.” E Concierto di Reino a bin na final di un serie di reunion y encuentro entre representantenan di e diferente paisnan y riba diferente topico. “Ta bon pa no solamente sinta y papia, nos a haci esey hopi riba asunto y aspectonan; pero tambe nos mester celebra,” Plasterk a indica. “E concierto aki ta un señal di optimismo. Esey ta Reino,” tabata e palabranan cu cual e Minister di Asuntonan Interno y Relacionnan di Reino a conclui su discurso pa despues bisa cu esnan presente no a bin pa scucha palabra, pero e idioma universal di musica. Den representacion di Aruba, a presenta e anochi aki e cantante Pieter Philip Monzon miho conoci como "Pete Philly". Monzon a nace na Aruba, pero for di chikito a muda pa Hulanda caminda el a lanta. Un para di luna atras e tabata na Aruba como atraccion di e festival di jazz. El a interpreta tres cancion di cual un tabata un rap. El a cera conoci cu Prome Minister Mike Eman kende a invite pa bin Aruba y duna un presentacion. ‘Pete Philly’ a bisa cu tabata su intencion pa presenta den Concierto di Reino pa laga nomber di Aruba na halto como e unico artista di descendencia Arubiano den e programa.

album album album
album   

Comentarionan (1)Add Comment
te
December 17, 2012
201.229.11.183
Votes: -2
...

Concierto di colonialismo, berguensa ohm

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter