Thursday, 24 April 2014
Parlamentario Lorna Varlack riba cambionan den e 2 ley laboral Print E-mail
Monday, 17 December 2012 18:36

lorna

Parlamento di Aruba a cuminsa trata 2 di e 5 Leynan cu lo wordo trata entre awor y Januari 2013. Pa hopi aña caba e trahadornan den sector priva tawata en espera di e cambionan aki.

Pa falta di e cambionan aki tawata tin hopi discrepancia den e posicion huridico di e trahadornan y hopi biaha doñonan di trabou tawata probecha di e buraconan cu tawatin den e Leynan Laboral bieu.

 

Cu e aprobacion y introduccion di e Leynan aki tin espacio minimal pa abusa di e derechonan di e trahador. E meta ta pa e dunador di trabou crea mas flexibilidad pa e trahador pa cu e oranan di trabou y pa e trahador tin mas siguridad pa cu su trabou. Pa hopi aña e trahadornan den sector priva a wordo neglisha pa cu nan posicion huridico y pa cu nan derechonan y awor finalmente atencion ta wordo duna na e grupo aki y pa via di e ahustacion di e reglanan e trahador ta hopi mas proteha. Ta e responsabilidad pa e trahadornan pa sa nan derecho y si nan ta sinti cu ainda nan ta wordo perhudica pa atende cu esaki di biaha. Un trahador no mag di tin miedo pa vocifera su mes ora algo no ta bay bon of entrega un keho. Hopi biaha e trahador ta sinti cu e ta wordo intimida y menasa na pia di trabou y pa wanta su entrada e ta scohe pa keda keto.Cu e leynan aki e sentimento di miedo ta tras di lomba. Loke ta hopi importante ta e aspecto di control pa wak si e doñonan ta cumpli cu e leynan laboral nobo y cu e leynan ta wordo ehecuta debidamente. Nos ta spera cu e leynan di labor wordo respeta y cu e trahadornan di sector priva por drenta un era nobo di trabou unda e bienestar di e trahadornan y e derechonan ta keda central.

Comentarionan (1)Add Comment
sunny555
December 17, 2012
201.229.6.198
Votes: -1
...

dus trahado tin derecho so? Ningun obligacion? Dushi bida.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter