Saturday, 01 November 2014
Corant Hulandes ‘De Volkskrant’ ta entrevista Prome Minister Eman Print E-mail
Monday, 17 December 2012 22:45

volkskrant

Remco Meijer, un periodista di e corant masha conoci na Hulanda ‘De Volkskrant’ a entrevista Prome Minister Eman y a skirbi un articulo yamativo di e encuentro aki cu ta cuminsa cu e mencion cu e parti Caribense di Reino y particularmente Aruba, mester bira e porta pa Hulanda pa Latino-America. “Nos por ta mediador pa habri mercadonan, pero e cooperacion no mester bin di un banda so”, asina Eman a bisa den e entrevista. “Demasiado bes iritacion y pleito ta pone e tono den Reino. Nos mester hustamente pone enfasis riba e balor adicional cu e paisnan den Reino tin pa otro. Nos por enforsa otro. Den esaki Hulanda por tuma un poco mas iniciativa, Eman a bisa. Eman tabata na Hulanda e siman cu a pasa pa cera conoci cu miembronan di Gabinete Rutte II y e Parlamentarionan nobo cu tin Relacionnan di Reino den nan cartera. Eman hunto cu su delegacion tabata invita pa presencia e concierto di Reino den compania di Su Mahestad Reina Beatrix y Prins di Oranje. Eman ta conoci di ta un defensor grandi di e construccion nobo di Reino y kier amplia su efectividad. “Aruba por ta un partner pa companianan Hulandes cu ta en busca di mercadonan na Merca of Latino America”. Eman ta sigui bisa cu particularmente den Latino America tin hopi necesidad na hendenan cu conocemento riba tereno di mineria sostenibel, energia y awa. “Hulanda tin hopi di ofrece riba e terenonan ey”. Meijer ta skirbi cu ta riba peticion di Eman e departamento di Asuntonan Exterior di Hulanda a ‘presta’ Marion Kappeyne van de Coppello na Aruba, kende tabata embahador na Colombia, pa yuda trek e concepto di ’gateway’. Eman a indica cu Aruba tin un bon clima di inversion pa empresanan Hulandes cu kier haci negoshi cu por ehempel Venezuela, Colombia y Brazil. E isla ta mantene e sistema hudicial Hulandes loke ta un bentaha. Gasunie ta activo, TNO a habri un sucursal y Schiphol ta traha hunto cu aeropuerto di Aruba. Eman “Si Schiphol intensiva su actividadnan e por conseha hopi aeropuerto den Latino-America”. E mision comercial luna pasa pa Brazil ta un bon ehempel di loke Eman kier men. Shen y cincuenta empresario a biaha pa e pais, un grupo cu a wordo encabesa pa Prins Willem Alexander y Prinses Maxima. Eman tambe tabatey. “Na Brazil nos por a constata cu e pais ta haya importante pa haya e señal cu Hulanda y Aruba ta traha hunto”. Eman a bisa di ta spera cu e formula aki wordo ripiti cu un mision comercial pa Colombia. E corant ta cera e articulo skirbiendo cu den Tweede Kamer Eman a haya hopi elogio pa su trabou. Ronald van Raak di SP a bis'e “Bo ta traha riba e cooperacion dentro di Reino. Esaki ta inspirativo pa nos, pero tambe pa e otro islanan”. Van Toorenburg di CDA tambe ta satisfecho cu e funcion pionero di Aruba den Reino.

Comentarionan (2)Add Comment
te
December 18, 2012
201.229.11.183
Votes: +1
...

colonialista te den su wesonan, mientras otro paisnan ta trata di aleha for di colonialismo, anos kier sigui biba mendiga.

asina mes
December 18, 2012
190.88.212.57
Votes: +2
...

Ki dia bo ta bin goberna Aruba y traha pa bo Pais ARUBA.La la reina goberna su pais.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter