Saturday, 20 December 2014
Minister Otmar Oduber: MEP a vota contra cambio di ley pa regla “uitzendkrachten” Print E-mail
Monday, 17 December 2012 23:11
Comparti

Otmar Oduber013

Ta increibel pa mira con e fraccion di MEP a vota contra di un ley cu mester bay regla e fenomeno di “uitzendkrachten” akinan na Aruba. Gran mayoria di trahadornan temporal no tin e proteccion di un contrato pa traha fiho ni seguridad economico. Mas ainda e trahadornan aki no ta haya pago na momento nan bay AO of nan no tin derecho riba un fiansa pa cas. Minister Otmar Oduber a duna di conoce cu ta tristo pa mira un partido cu ideologia social democrata ta permiti su mes, usando argumentonan fofo, manera cu mester regla e ley aki den leynan di Codigo Civil di Aruba, di no vota na fabor di un ley cu ta proteha casi 50 mil trahador na Aruba. E mandatario a indica cu tanto na Hulanda como na Corsow (y mescos kier a haci na Aruba) a regl’e den un ley separa cu ta sigura cu e abuso cu tabata tumando lugar pa uitzendbureaunan cu no ta atene nan mes na e regala di bon dunador di trabou no tuma lugar mas. Enbes cu fraccion di MEP a sostene loke den Reino a wordo regla unda cu na momento e trahador temporal bira malo e por bay AO, e por haya e oportunidad pa tin trabou fiho, entre otro avancenan, nan a dicidi di vota contra e cambionan di ley di trahador temporal. Di e forma aki, Minister Oduber a duna di conoce, nan a nenga pa trahador por haya e oportunidad pa logra haya un trabou fiho. “Tur trahador mester tuma bon nota di loke a pasa den Parlamento durante e reunion pa cambionan di ley di trahador temporal”. Na final, por bisa cu sano huicio a prevalece y tanto fraccion di AVP como di PDR si a sostene e ley aki y di e forma aki a brinda e oportunidad pa e trahador temporal por haya e proteccion necesario.

Comentarionan (5)Add Comment
arubiano di pura sepa
December 18, 2012
201.229.126.133
Votes: +0
...

ami ta ningun di 2 partido , pero ora e trahadornan perde trabouw si nan ta core bin grita na radio mescos cu alma malo , awor si ta nan a bin cune ami kier sa si avp a vota voor pa esaki , paso ta tur ora ta mesun cos ta pasa den parlamento

guardian local
December 18, 2012
201.229.12.142
Votes: +0
...

test, testing, testing

V.Tromp
December 18, 2012
77.248.71.26
Votes: +7
...

Hopi stranjo ma kere cu e partido MEP ta na fabor di trahador nan.
Pa mi party no ei na Aruba nan mester sera tur e uitzendbureau nan.
Pasobra como trahador di nan bo no por bin na nada bo no ta un vaste werknemer.smilies/angry.gif

what's now
December 18, 2012
201.229.18.173
Votes: +8
...

@arubiano realistico tin rason paso si nos wak bon ta Booschi a pone inspectie di medicina sinta einan algo cu nos por bisa benefit friend.Tambe si bo wak bon den otro lugarnan govermental bo por wak con e trahado Mepista ta trata un cuidadano sin charisma of onsympathic...ta esei ta e problema cu leakmento hier en daar.AVP mester haci un cleaning Up..paso nan ta stroba un Arubiano...AVP ta den su victoria caba...corda esei...

Arubiano Realistico
December 17, 2012
201.229.2.139
Votes: +19
...

Ta ki tempo MEP tawata na fabor di trahadornan, esaki ta e partido cu tin un solo meta, traha na fabor di friend & family.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter