Saturday, 25 October 2014
Parlamentario Clarisca Velasquez: MEP a vota contra e clase trahador Print E-mail
Tuesday, 18 December 2012 11:11
DSC_2063
Dialuna ta un dia importante pa pueblo di Aruba ja cu parlamento a trata dos ley sumamente importante pa tur e clase trahador na Aruba. Leynan cu ta bai sali na vanguardia di tur nos hendenan cu ta den e sector laboral aki na Aruba.

leynan anticua cu no tawata sali na vanguardia di nos trahador a keda elimina y awor tin ley cu ta haci posibel cu nos trahadornan nan derechonan y nan futuro ta bai wordo sigura. No por compronde e fraccion di Mep con nan por a vota contra nos trahadornan si nan ta partido cu ideologia di social democrata. E coriente politico aki a sali for di seno di trahador hopi siglo pasa y awe e partido Mep a vota contra e clase trahador. E leynan aki lo bai beneficia mas di 47.250 trahador na Aruba y fraccion di A.V.P. a sostene e ley aki totalmente ja cu pesey nos ta den parlamento pa vota na bienestar di nos pueblo pero a keda babuca ora e partido mep den representacion di solamente 3 parlamentario a vota contra nos trahadornan.

Den comienso di e reunion partido Mep completamente ausente y durante e reunion dos parlamentario a cana kibra y den anochi ora a tuma nota di e critica di nan ausencia e lider di Mep a cana  kibra pa 8or di anochi den parlamentario despues cu elo a caba di dorna su kerstboom na su cas supuestamente. Fraccion di A.V.P.  a sostene e leynan completamente mirando cu e leynan aki lo sali na vanguardia di nos trahadornan y no ta comprende con e ley no a pasa unanimamente den parlamento. Partido Mep lo mester splica pueblo di Aruba dicon nan a vota contra nos trahadornan y esaki lo tin consecuencia serio pa mep otro anja mirando cu tin eleccion. Pueblo por ta sigur cu fraccion di A.V.P. lo sa di sostene tur ley cu ta sali na vangiardia di henter nos pueblo di Aruba.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter