Friday, 25 July 2014
Rene Herdé :maneho di energia ta duna su efecto Print E-mail
Tuesday, 18 December 2012 13:10
DSC_2063
Segun e calculacion di Departamento di Estadistica (CBS), november a conoce otro caida den costo di bida na Aruba. Segun nan calculacion e caida di costo di bida na november ta specialmente consecuencia di e reduccion di prijsnan di energia.

Esakinan a drenta na vigor dia prome di november despues cu den Dialogo Social gabinete Mike Eman, sindicatonan y doñonan di trabou a yega na acuerdonan pa reduci prijs di awa y coriente pa casnan di famia y pa companianan e aña aki. Esaki ta e prome biaha den historia recien cu Aruba ta conoce un reduccion di prijs di awa y coriente door di cambio di maneho di e empresa WEB y door di maneho di energia di gobierno.

REDUCCION GRANDI

E reduccion di prijs di awa y coriente ta grandi. Pa awa e reduccion promedio pa casnan di famia ta di 30% y pa companianan e ta 26%. Ningun hende ta corda cu den pasado a yega di haya un reduccion asina grandi. Pa coriente, cu ta e dolo di mas grandi pa casnan di famia y pa companianan, e reduccion ta di 10% promedio pa casnan di famia y 6% promedio pa empresnanan mediano y chikito. Door di e reduccion aki gobierno por a yega tambe na e reduccion di prijs di coriente pa clubnan di deporte rond di nos isla. Siman pasa e acuerdonan cu e clubnan deportivo a wordo firma.

SIGUI CU E MANEHO

E reduccion grandi den costo di awa y coriente a yuda baha costo di bida na Aruba. E reduccion no ta door di e reduccion di prijs di petroleo riba mercado mundial so. E maneho di aumenta eficiencia di WEB a contribui masha hopi na e resultado aki. Hunto cu esaki gobierno a dicidi di pa no tuma e placa di dividendo di WEB y ELMAR, pero pa lague den e compania y us’e pa yuda baha e prijs di awa y coriente. E reduccion final pa casnan di famia y pa companianan a wordo acorda den e DIALOGO SOCIAL di augustus e aña aki. Eynan a acorda entre doñonan di trabou, sindicatonan y gabinete Mike Eman, pa duna mas reduccion na casnan di famia y asina a yega na e calculacion di e reduccion final. Rene Herdé, lider di e fraccion di AVP den parlamento a reacciona riba e informacion sumamente positivo aki y a bisa lo siguiente: “E ta masha masha bon pa tende cu atrobe nos tin un luna cu costo di bida ta baha. Ta bon pa tende cu nos a logra reduci prijs di awa y coriente cu un porcentahe asina grandi, mientras cu tur rond di nos den mundo e costo di awa y coriente ta sigui subi! Cu e uzo di energia renovabel cu mulinanan di biento, solo y awa di lama, nos lo por sigura un prijs di awa y coriente mas stabiel a largo plaso. E maneho di energia, awa y coriente, cu gabinete Mike Eman ta hibando mester continua! Banda di esaki mester continua cu e maneho general di baha costo di bida y di yuda esnan di menos recurso. E decision di reduci impuesto di importacion riba productonan cu ta gasta menos coriente dia prome di januari 2013, e maneho pa yuda tene prijsnan en general mas abou posibel door di stimula competencia sano y husto lo contribui na sigui tene costo di bida mas abou posibel. E ayudo pa esnan cu entrada mas abou lo yuda pa nan tene cabez riba awa y haci mas pa nan famianan. Specialmente pa famianan cu un entrada fiho minimo, e maneho pa baha costo di bida pa essencial. Ta pesey nos a y lo sigui sostene tur iniciativa di gobierno of di sector priva pa reduci of controla costo di bida.”  

 

 

 

Comentarionan (4)Add Comment
The Observer
December 19, 2012
201.229.14.137
Votes: +0
...

Esaki no ta bai yuda pa hustifica ubicashon di parke di molina na nos costa...Tiramento di stof di wowo di pueblo no ta funcshona mas... Panel solar lo funcshona, no e aparatonan mahos ey cu ta danja nos panorama...Pone e molinanan di biento den Parke Arikok ... of cerca di Eagle Tennis Club...

chapi cu ne
December 18, 2012
201.229.82.151
Votes: +2
...

Baba, mi no:
- sa di unda bo ta
- ni di unda bo a biba,
- of di kwa neishi bo a bin,
PERO
ami y majoria di e Arubianonan,
tin RECUERDO di tempo nos ta mucho di core rond den auto cu nos majornan y cu nos rumannan "CONTA CASNAN CU LUSNAN DI PASCO".
CADA UN TA CONTA NA SU BANDA DI CAJA, UNDA BO TA SINTA DEN AUTO.

DANKI NA E COSTO DI CORIENTE HALTO, CASI NO TIN LUSNAN NA CASNAN MAS.

Esey boso no tin c*lpa, pasobra PETROLIO ta CARO.
PESEY STOP di tuma gloria di cosnan cu bo no tin control, BABAAAAAAH.

Ami no ta Mep mas
December 18, 2012
201.229.78.254
Votes: -1
...

imagina b0 si mep tabata tey.

te
December 18, 2012
201.229.11.183
Votes: +3
...

stop di papia coi kens den dia cla, dos siman pasa mi tabata cumpra un manteca becel pa 3.78 awor e ta costa 4,98. Tur cos a subi, ami ke sa kiko a baha, despues cu nan a halveer e bbo tur cos a subi anto hopi biaha dobbel. E mesun manteca becel tres anja pasa mi tabata cumpre pa 1.81 y awor e ta costa 4.98. Stop di haci fantasia y show cu no ta cuadra cu berdad.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter