Wednesday, 22 October 2014
Minister Otmar Oduber: Ley di trahadornan temporal, un contribucion grandi na bienestar di nos clase trahador Print E-mail
Tuesday, 18 December 2012 17:31

Otmar Oduber009

 

Dialuna durante tratamento di 2 cambio di ley laboral importante por a nota un fraccion di MEP cu a wordo representa pa dos di su cinco miembronan cu a bin cu argumentonan sin base pa vota contra e ley di trahadornan temporal. Lider di partido MEP, Evelyn Wever-Croes, kende tabata na inicio y despues na final,

posiblemente pa sigura su mes cu su dos coleganan lo vota manera palabra, tambe a bin cu e mesun tipo di argumentonan aki y hasta a actua den un forma arogante, manera cu ta e so sa di leynan y ningun otro hende. Contrario na su punto di bista, 12 miembro di fraccion di AVP y e miembro di fraccion di PDR a vota na fabor di e cambio di ley aki cu lo por trese alivio grandi pa e trahadornan temporal. Motibo cu fraccion di MEP a bisa cu nan ta vota contra di e cambio di ley aki ta pasobra nan ta di opinion cu esaki mester a wordo incorpora den Codigo Civil di Aruba. Esey tabata intencion di MEP for di momento cu nan tabata den Gobierno, caminda cu nan kier a hinca dos articulo den e Codigo Civil pa reglamenta e aspecto di uitzendkrachten. Contrario na esaki, Minister Otmar Oduber a bin dilanti, conhuntamente cu representante di dunadornan di trabou y di trahadornan, cu un concepto di ley riba su mes pa reglamenta e parti di trahadornan temporal, buscando di e forma aki pa para e abuso cu ta tumando lugar y ofrece e trahadornan un mihor porvenir. Siguientemente por lesa un splicacion detaya riba dicon Minister Oduber a kies pa reglamenta e aspecto di trahadornan temporal den un landsverordening y no den Codigo Civil. Derecho di acuerdonan laboral ta wordo controla dor di titel 7A di Codigo Civil di Aruba. Aki ta stipula e reglanan cu ta defini e acuerdo laboral entre e dunador di trabou y e trahador. Cu otro palabra, e Codigo Civil ta stipula e derecho y obligacionnan di e dunador di trabou y e trahador pa cu otro a base di nan acuerdo laboral. E acuerdo di ‘uitzend’ta un acuerdo hopi particular (aki ta wordo papia di un relacion triangular entre e uitzendbureau, e uitzendkracht y e inlener) cu pa proteccion di e trahador den e ontwerp pa cambio di e Codigo Civil proponi pa Minister Otmar Oduber y cu mester wordo trata otro aña den Parlamento, ta wordo considera como un acuerdo laboral. E uitzendbureau ta bira e dunador di trabou y e uitzendkracht ta bira e trahador. Cu e regulacion aki e condicionnan di e Codigo Civil en principio ta conta pa e relacion entre e uitzendbureau y e uitzendkracht como tambe e otro condicionnan di derecho laboral, manera ta vakantie, cesantia, entre otro. Banda di e regulacion ariba mencion den e Codigo Civil, Minister Oduber a mustra su deseo pa establece reglanan pa e terbeschikkingstelling di e trahadornan mes. Esaki kiermen, reglanan administrativo (bestuursrechtelijk) na cual e uitzendbureau mester atene su mes na nan. E reglanan aki no ta conta pa e pa e uitzendkracht, pero toch tin consecuencianan positivo p’e. Ta trata aki cu mester un permiso di uitzend pa pone trahadornan temporal disponibel pa traha, e datonan cu e solicitante mester entrega ora haci un peticion pa un permiso di uitzend, e condicionnan bou cual e persmiso di uitzend ta wordo duna, e termino maximo cu un trahador por wordo poni disponibel na tercero y otro obligacionnan administrativo. Banda di esaki Minister Otmar Oduber ta desea di stipula condicionnan determina cu e meta pa mehora e posicion huridico di e uitzendkracht. E reglanan aki no ta toca e acuerdo entre e uitzendbureau y e uitzendkracht, pero e obligacionnan cu e uitzendbureau mester tene na cuenta ora e pone of ta desea di pone un trahador disponibel na tercero. Pa e motibonan aki aki e obligacionnan ariba mencina no por wordo tuma den e Codigo Civil, pero den un landsverordening apart. Pa duna mas sosten na e posicion aki por menciona cu na Hulanda como na Corsow tin un ley apart pa trahadornan temporal. Minister Otmar Oduber for di inicio a mustra cu su intencion ta pa mehora e situacion di e trahadornan temporal y evita e maluso cu ta tumando lugar bou di algun uitzendbureaus. Awor, danki na sosten di 13 miembro di Parlamento, e cambio di ley por drenta na vigor y derecho di trahadornan por wordo salvaguardia.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter