Dialuna merdia Minister di Husticia y Enseñansa Arthur Dowers a ricibi e yabi di Corte di Husticia for sra. Yvonne Web Kock di Monumenten Bureau. E proyecto tabata encera e restauracion di e parti historico di e edificio, como tambe expansion di e edificio cu un parti nobo pa acomoda e necesidadnan di un Corte di Husticia moderno y sigur. E edad di e edificio tradicional a presenta poco sorpresa durante construccion. Danki na e guia y creatividad di Monumentenbureau, Hoevertsz Archidesign y Van Kessel Construction por a logra integra algun aspecto den e restauracion. Entre otro a preserva un parti di un vloer di tegel tradicional, como tambe un pos cual awo ta tapa cu un vloer di glas, unda cu tur hende por observa e forma con e pos aki a wordo coba pa nos antepasadonan. Minister Dowers a subraya cu e ta sumamente contento cu Corte di Husticia lo muda bek pa un edificio monumental cu ta di gobierno, un edificio cu awo despues di su restauracion y expansion ta ofrece maximo siguridad pa tur cos bay ordena y ta un joya cultural historico. "Un centro unda cu integridad mester wordo protegi," e mandatario a expresa, referiendo na e funcion importante di nos corte. Un destaho publico mester tuma luga pa completa algun aspecto cu no ta di indole di construccion pa corte por muda bek pa e edificio den centro di Oranjestad, Minister Dowers a splica. Si no tin contratiempo, esaki por tuma luga pa juni/juli 2013. E area rond di e edificio tambe lo conoce un "upgrading" y embeyecemento y asina den su totalidad lo contribui na e ambiente general di e centro di ciudad renoba, Minister Dowers a añadi. E mandatario a expresa palabra di pabien na Monumentenbureau, Van Kessel Construction, DOW y tur otro compania cu tabata envolvi den e realisacion di e proyecto, cual ademas di ta funcional como un luga di trabao, unda casonan ta wordo trata y husga, e ta un joya historico cultural inclui ariba e ruta monumental

Comentarionan (9)

Mustra/Kita comentarionan

...

Mi ta hopi contento ku e trabouwnan hasi pa cu e edificio aki. Un hopi bon projecto di AVP ku ta distingui su mes di e locura di e tram. Sigui inverti awor den projectonan necesario manera esun akinan. Mi ta lastimamente anticipa si un payaso bin ku su mesa ala estilo ''Eveline, jega ku e mesa na Corte''....Completamente innecesario e tipo di actitud asina. Danja tur boso seriedad, credibilidad i madurez komo partido politico. Enfin, pabien un biaha mas. Atleast mi ta wak mi cen di belasting tog ta na unda e la bai.

Irreal , December 18, 2012

• 
• +9
• 
• 

... , Low-rated comment [Show]

...

eops....otlo proyecto cu Lamon a laga pa ahecuta...pabien na pueblo!!!

pedro tromp , December 18, 2012

• 
• +0
• 
• 

...

Mi no kier zeur of nada, mi no ta ni MEP of AVP, mi no ta bai pusta boca tambe den kiko of door di ken...pero e projecto ki ta netamente di MEP. Duna Cesar loke....bms

Mai , December 18, 2012

• 
• +7
• 
• 

...

ami nota worry di ken of ken a trahe , pero basta e keda bon pa aruba ,pero ban mantene awor y cuide paso ta hopi placa di nos tin einan , hopi hende ta ploitiek verziek , bo wak ken a hasie esei , mester wak con ta hiba e baraca aki dilanti i cu nos por biba trankilo ariba dje , paso e placa nota jega pa cumpra cuminda , eta jega bo pa paga awa cu coriente so.

arubiano di pura sepa , December 18, 2012

• 
• +0
• 
• 

...

Bonita proyecto berdad pero prome cu a entrege mester a drecha e caminda su dilanti pone klinkers of asfalt rond di e mata nan di coco y drecha e park dilanti dje pa realsa e edificio.

Easy , December 18, 2012

• 
• +1
• 
• 

...

Si e projecto ki ta netamente di mep, Status Aparte ta netamente di AVP, danki pa admeti!!!Mai l**o.

Bon trabow bon idea. , December 18, 2012

• 
• -4
• 
• 

...

Pakiko el negrito del batey mester hanja yabi? ta e minister mas INEPTO cu Aruba a conoce den su historia.

N'e chambonan berde , December 19, 2012

• 
• +4
• 
• 

...

@chambon berde, kizas bo tin razon cu e min di justicia actual no ta esun di mas mihor....pero un cos si e ta mil X mas mihor cu esun ultimo.

prorubiano , December 19, 2012

• 
• -3
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi