| Segun Andin Bikker: A yega ora pa gobierno baha winstbelasting y inkomstenbelasting |
 |
 |
| Tuesday, 18 December 2012 19:27 |
|
Durante e conferencia di prensa di Partido Democracia Real, Andin Bikker a splica cu tur gabinete cu a sinta na Aruba a busca diferente manera creativo pa hisa e entradanan pa gobierno, pero nan no a baha e tipo di belastingnan manera winstbelasting y inkomstenbelasting. Segun PDR mester reduci e tipo di belastingnan aki, y den tratamento di e incentivonan fiscal na 2011 PDR a presenta un amienda cu ta propone pa reduci e impuestonan aki pa empresanan mediano y chikito cu ta e curazon di nos economia, di 28% pa 23% manera ta e caso na Hulanda caba. Bikker a splica cu na Aruba e impuesto riba entrada priva ta sumamente halto y hasta a constata cu tin diferente scale y cu tin hende ta paga pa cada florin cu gana 60 cent. Esaki ta haci di Aruba e pais den nos region cu e belasting mas halto y esey no ta crea incentivo pa nos hendenan como debe ser. Andin Bikker a bisa cu despues cu tantisimo gobierno a sinta y saca tur sorto di coneu for di sombre pa purba trece mas entrada, momento a yega pa baha winstbelasting y inkomstenbelasting. Pa esnan cu lo puntra for di unda anto gobierno ta bay genera entrada, el a bisa cu e ‘buki gobiernonan exitoso’ ta mustra cu gobernantenan manera Bill Clinton y Ronald Reagan a kere den e filosofia cu reduci impuesto ta crece e economia di un pais pasobra tin mas fluho di placa y tog e gobierno ta haye bek di manera indirecto y PDR ta comparti e filosofia aki. Tambe tocante herencia segun Bikker por a constata door di e rapportnan di SIAD cu nan ta haya tur luna, cu e personanan cu no tin mucho pa hereda ta esnan cu mas impuesto ta paga y esnan cu ta hereda un cas p.e, tin cu fia placa pa paga e belasting y esey no ta husto. El a splica riba un ley cu tin na Hulanda cu pa herencianan mas abao di 750,000 euro no ta paga impuesto. Comentarionan (8)Mustra/Kita comentarionan ...
E guy aki ta bibando den un mundo di fantasia y si gobierno mester bay haci tur loke Andin ta bisa (pa hunga politica barata y gaña pueblo) e caha di gobierno ta keda bashi y mas pio con ta cubri e deficit. Ora ta cumbini kier compara cu Hulanda y ora cu no ta cumbini ta bin cu otro storia. Nos mester keda realistico pa loke ta e entrada di nos pai Aruba y stop di hunga cu sentimiento di pueblo manera cu si abo ta sinta eynan abo lo cambia tur cos.
,
December 18, 2012
...
Brother tog eta purba hasi algo pero e minister mes nota sali padilanti bisa pa kiko hende nota hanja su placa di belasting bek , ami mes nan a dalmi 3 anja di grondbelasting na fl.1150 y esun dia anja 2012 abin pero mas haltu cu e otro nan fl.1250. anto mi cas ta mescoa anto nan ta bisa bo tambe cu si bo renoba bo cas tin chens cu aki 5 anja e grondbelasting por subi atrobe , anto mi placa cu mi tin cu hanja bek di anja 2008 bai ariba , nada ainda , pesei andin nos ta vota pabo sigur paso mester bin un cambio den gobernacion.
,
December 18, 2012
...
porta bo persona ta pensa den fantasia , pero e andin a hasi hopi si , pero jamer cu eta su so , paso ki mishi un parlamentario di otro partido vota na fabor di andin , di biaha elo hanja un schop den su **** i nan ta sake di partido di biaha , paso nos hende nan di aruba ta biba den antanjo ainda i ta hopi dificil pa cambia
,
December 18, 2012
...
Arubiano di puro sepa: Nos di Pueblo na Pecho ta duna bo tur razon.
Adin ta e unico persona cu semper ta bringa pa su pueblo den tur sentido. Berdad cu si Andin sigi traha pa pueblo trahador e lo hanja hopi hende su tras pa e election venidero.
,
December 19, 2012
...
Wel, si ta "Universidad di Aruba" ta manda den Parlamento di Aruba, anto sigur cu Winst-belasting lo baha, pa motibo cu ta trata aki di ganashi di comerciantenan grandi... Cu Inkomsten-belasting lo baha...tin duda. Si Inkomsten-belasting baha mes, lo ta kisas nada compara cu locual Winst-belasting lo baha. Ora Winst-belasting duna 50 mil florin di discuento di belasting na comerciante grandi, kisas e otro lo duna 150 florin di discuento na e humilde trahador...of no? Pa kende Parlamento di Aruba ta traha?
,
December 19, 2012
...
Andin ki ta un abogado di capitalistanan cu kier tur cos pa nan so. E pueblo humilde mes no ta importante pe. Ta cu Mansurnan e ta, ki mas por spera? Un voto pa PDR ta un voto pa famia Mansur sigui fiesta. Hopi hende sa di e famia ey cu tin fama di baho mundo y cu no gusta paga belasting.
,
December 25, 2012
Duna Comentario y/of Comparti riba Social Medi |
Mustra/Kita e formulario di comentario
