| PDR kier yega gobernacion pa mehora sistema di SIAD |
 |
 |
| Tuesday, 18 December 2012 19:53 |
|
Den conferencia di prensa di Partido Democracia Real, Andin Bikker a splica riba e asunto di atraso di restitucion di impuesto door di servicio di impuesto. Andin a tuma nota di un publicacion den un matutino caminda ta ser bisa cu hopi hende ta wardando nan restitucion di anja 2009 ainda, mientras cu otro hendenan ta hayando cobransanan hopi halto cu no ta cuadra cu realidad, loke e lider di PDR ta yama cobransanan ficticio. El a bisa cu tin biaha e persona ta entrega su aangifte despues di e fecha of e ta haya cobranza di tempo cu kizas e no tabata bibando na Aruba, a base di calculacion cu SIAD ta haci y cu hopi biaha ta un calculacion ireal. E sistema aki hopi hende humilde cu ta pasa den dje no ta compronde y el a bisa cu un bez cu PDR ta den gobernacion ta bay percura pa e restitucion wordo paga na tempo y pa nos ciudadanonan haya mas proteccion fiscal. Esaki reforza cu un amienda cu PDR a logra di pasa den tweede kamer na Hulanda un par di anja pasa, pero cu gobierno no a aplica esaki, segun Bikker. Na Hulanda mes na momento cu e hendenan ta entrega nan formulario cu loke nan ta gana pa anja despues di tres luna nan ta haya restitucion di e belasting paga di mas, y si nan pasa di e lapso aki nan ta paga interes riba dje na e clientenan. Na Aruba, segun Andin Bikker, nan no ta duna nada pero si e cliente ta atrasa su pago e ora e tin cu paga 6% di interes. Tur esaki PDR ta bay drecha ora nan yega den gobernacion. |
Mustra/Kita e formulario di comentario
