Thursday, 25 December 2014
Segun Parlamentario mr. Juan Ady Thijsen Ministro di Labor y AVP ta contra bienestar di trahadornan di Casino Print E-mail
Tuesday, 18 December 2012 21:07
Comparti

ady777

Diaranzon a tuma lugar tratamiento di cambionan di leynan laboral cu mester conduci na progreso di e trahador riba diferente aspecto. Un di nan ta e aspecto di flexibilidad den horario di trabao. Gobierno a introduci tres cambio den e cuadro aki na unda e trahador ta mantene su salario.

Esaki a worde confirma dor di Ministro di Labor tambe den e reunion. E tres posibilidadnan ta 6 dia pa siman no mas di 8 ora pa dia cu un maximo di 45 ora pa siman, 5 dia pa siman no mas di 8 ora pa dia cu un maximo di 40 ora pa siman y 4 dia pa siman cu no mas di 9 ora pa dia cu un maximo di 36 ora pa siman. In principio fraccion di MEP tin su dudanan tocante esaki ya cu 9 ora ta trece hopi cansancio cu ne y ta baha e productividad laboral. Sin embargo, mirando cu toch tin persona a indica na MEP cu nan ta na favor di esaki, MEP a bai di acuerdo cu e cambionan proponi pa gobierno. MEP ta kere cu lo ta bon pa bin cu 6 dia di trabao di 6 ora den e sector di Casino ya cu den pasado esaki ya tabata asina. Parlamentario mr. Juan Ady Thijsen mes a traha cu e horario aki na Holiday Inn, King Internacional Casino.E experiencia actual di 8 ora pa dia ta hopi duro pa trahadornan di casino.Despues lo por introduci e 6 dia y 6 ora pa siman den otro sectornan. Pa logra esaki Fraccion di MEP a introduci un amienda pa introduci di nobo e 6 dia di trabao di 6 ora. Lamentablemente AVP a bai contra e amienda aki y cu nan mayoria den parlamento e amienda a ser desaproba. AVP ta laga interes di e trahadornan di casino cai. Den campanja si nan a pasa di casino pa casino cu yen di promesa, pero ora di cumpli nan no tey. MEP lo sigi bringa pa e trahadornan di casino y percura pa cambionan ser haci den nan bienestar y di nan famia.

Comentarionan (3)Add Comment
rod
December 19, 2012
201.229.24.167
Votes: -1
...

Ady Thijsen ainda ta na bida?

7
December 19, 2012
74.82.68.16
Votes: -1
...

sector di Casino???? Tende boso bin wak aki na genair con ns ta pasa dsp boso por papia ns ta prome cu ta duna servicio na tourista dsp nan ta bai casino pa pone paar dollars den machine ns ta traha mas ora bin pone orde aki.

Pueblo na Pecho
December 19, 2012
201.229.37.219
Votes: -4
...

Akinan bo ta wak atrobe cu e promesanan di AVP no ta cuadra cu berdad door den campanja ta priminti cu ta bin cambio pero ora di goberna nan no tey manera pa defende interis di pueblo trahado manera cu esaki cu ta e trahadornan di Casino. Primiti ta un cos pero goberna ta otro, manera Nel a bisa tempo cu nan a goberna. Awor ta nan mes ta hacie.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter