Wednesday, 26 November 2014
Rene Herdé: MEP a bira lomba pa trahadonan di Aruba Print E-mail
Tuesday, 18 December 2012 21:48
Comparti

Baba 2010

Dialuna pasa parlamento di Aruba a trata e prome dos leynan laboral cu Minister Otmar Oduber, e minister di labor den gabinete Mike Eman, a presenta den cuadro di e renobacion di e leynan laboral di nos pais. Mirando e importancia di e leynan aki pa regula miho e mercado laboral di Aruba, tur hende a pensa cu henter parlamento lo ta na fabor di e leynan aki.

Lamentabelmente varios miembro no tabata presente pa motibo di enfermedad of otro asuntonan den famia. Tabata tin 16 miembro di parlamento presente pa majoria di e dia. 12 miembro di e fraccion di AVP y 4 di oposicion. E ausencia di en especial e miembronan di e partido MEP a hala atencion. E partido MEP a haci’e un custumber di bati riba nan pecho cu nan si ta traha pa interes di e trahado Arubano. Pero a bira un custumber den ultimo decada cu e partido aki no ta mustra ningun interes den cuida of traha pa e trahado di Aruba. Nan ausencia na un reunion asina importante ayera, ta otro ehempel di nan desinteres pa e trahado Arubano.

IMPORTANCIA DI E LEYNAN

E dos leynan di labor cu a trata ayera tabata pa cambia asuntonan di e oranan di trabou, “overtime”, dianan liber, duracion di siman di trabou y otro asuntonan cu ta toca tur trahado den sector priva. E ley aki ta toca e mas cu 50 mil trahado den sector priva na Aruba. Esaki so ta mustra e importancia grandi di e ley aki. E otro ley ta pa regla e condicionnan bou cua por haci uzo di ‘trahado temporal’ na Aruba. Te awor no tabata tin reglanan specifico pa esaki, mientras cu den e ultimo 12 aña e cantidad di trahado cu ta traha den forma temporal a crece hopi. Den ausencia di cifranan concreto, ta asumi cu e cantidad di ‘trahado temporal’ den mercado laboral di Aruba ta alrededor di 10 mil. (Ta necesario pa Departamento di Labor y Investigacion suministra e cifranan mas exacto.) E ley aki tin un efecto grandi riba e condicionnan bou cua un compania por haci uzo di trahado den un forma temporal, cu cua exigencia un compania cu kier duna servicio di trahado temporal mester cumpli cun’e y kico ta e beneficionan pa e ‘trahadonan temporal’ compara cu e situacion prome cu e ley aki drenta na vigor na januari 2013. Tur esaki ta mustra e importancia di e leynan aki pa trahadonan, pa companianan, pa mercado laboral y pa economia di Aruba. Rene Herdé, lider di e fraccion di AVP a comenta riba esaki. “Sin exajera nan importancia ta masha grandi. Ta pesey e fraccion di AVP a pone asina hopi atencion na e preparacion y tratamento di e leynan aki. Nos a sigura cu tur miembro di nos fraccion ta presente den preparacion y tratamento di e leynan aki. Nos a busca conseho di expertonan y a scucha tanto sindicalistanan como doñonan di trabou, prome cu nos a fiha posicion riba e leynan aki. Durante di tratamento nos a trece cambio pa mehora e leynan tambe.”

CONTRA

Apesar di cu solamente dos di e cinco miembronan di e partido MEP tabata presente y a hiba palabra durante di e reunion, a conta cu MEP lo sostene e aprobacion di e leynan importante aki. Sinembargo, ora di vota riba e leynan aki, e lider di e fraccion di MEP cu tabata ausente henter dia, a bolbe parlamento. Ta parce cu eynan cos a cambia den e fraccion. Enbez di cu e partido MEP vota na fabor di tur dos ley, nan a vota na fabor di e ley cu ta regla orario di trabou y overtime. Pero MEP a vota contra di e ley pa regla condicionnan di ‘trahadonan temporal’. Esaki a laga masha hopi hende den y pafo di parlamento strany’a. Rene Herdé, lider di fraccion di AVP a reacciona di e forma aki. “Mi no por compronde e desicion di e partido MEP pa vota contra di un ley cu ta regla den un forma husto e posicion di e mas cu 10 mil trahadonan na Aruba cu ta traha den forma temporal. Nan tin cu splica e miles di ‘trahado temporal’ cu MEP no kier drecha nan condicionnan di trabou. Loke e trahadonan aki kier ta djies mas seguridad, un pago mas igual cu trahadonan regular, nan djies kier tin e seguridad di pago di nan primanan di seguro social, nan pensioen, nan impuesto paga manera tur otro trahado. Pero MEP a dicidi atrobe, cu nan ta contra di esaki. E desicion aki di MEP ta bay den historia como otro preuba cu MEP a bira lomba pa trahadonan di Aruba. Pa cualier partido responsabel esaki lo ta increibel. Pa un partido cu ta yama si mes social democratico, e ta nada mas cu traicion di trahadonan.”

Comparti
Comentarionan (1)Add Comment
R.FIGAROA
December 19, 2012
201.229.29.121
Votes: +1
...

Babaridad di bo gobierno i baba pa drecha boso imagen boso ta purba pa es trahador nan arubano di Valero lubida kiko boso a hasie cu nan pa casi 3 Anja sin ningun dia boso por a presenta serca nan pa mustra nan boso sintiminto i simpatia pa tur nan preocupacion di ta bai perde nan trabouw.Awe boso nan kier papia manera heroe pa es trahador nan ARUBIANO.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter