Friday, 24 October 2014
Prome Minister contento cu e profesionalismo desplega pa instancianan durante di e tipo di situacionnan aki Print E-mail
Wednesday, 19 December 2012 09:06
DSC_2063
For di prome cu solo a sali, un cantidad grandi di hende tabata riba pia pa asina resolve un problema cu por a resulta den un calamidad pa Aruba. Un barco, cu regularmente ta trece carganan friu y esencial pa nos isla "Southern Bay", a sufri un leak di 'fuel oil' den su sistema di balast cu e consecuencia cu esaki a basha over den lama.

E 'teamwork' di tur esnan envolvi a demostra di tabata algo determinante den e hecho cu e "oil spill" a keda contene y tur loke a basha den nos lama a wordo trata apropiadamente.  E alarma a wordo bati pa APA pa mas o menos 5:10 di mainta. APA hunto cu ASTEC a haci un investigacion y na e mesun momento, a start un proceso cu a pone den funcion un team di expertonan pa soluciona e situacion. A informa Kustwacht, Valero, Maritieme Politie, Havenmeester, Departamento di Calamidad y finalmente e ultimo aki a informa Prome Minister di Aruba, Sr. Eman di e situacion. Tanto Havenmeester, Sr. Beaujon, como Sr. Benschop di Maritieme Politie a tuma declaracion di e capitan di e barco, cu ta e responsabel pa e situacion y a duna tambe un calculacion di cuanto "fuel oil" a sali for di e barco. Di otro banda tambe a haci un evaluacion independiente di e 'oil spill'. E dos instancianan aki lo determina tambe si, y con e dañonan lo mester wordo compensa pa e compania doño di e barco. Cu cooperacion di Valero, a sali cu Tug Boat 'Jara', bou comando di e Arubiano Rowan Bislick acompaña pa e experto di Valero pa e tipo di emergencianan aki, Sr. Richard Simon.

Hunto a percura pa suministra e area afecta cu kimiconan cu ta combati e efectonan cu e 'fuel oil' por a causa na nos medio ambiente y beachnan mas pabou. Por a tuma nota tambe presencia di Srs. Boekhoudt y Ho di APA inspeccionando e trabounan tumando lugar.Un situacion cu pa un rato a crea un poco inkietud, pero mirando e accion rapido y e profesionalismo cu tur e instancianan concerni a desplega, e situacion a keda bou control rapidamente.Presente for di tempran tabata Prome Minister Mike Eman cu a pone su mes altanto di e situacion. El a splica cu "nos kier sigui fortifica e tipo di cooperacion aki. For di mainta tempran cu nos ta para riba waf ta mira accion, Kustwacht, Maritieme Politie, APA, ASTEC, helicopter di Polis y di Kustwacht den cooperacion haciendo un trabou excelente. E trabou aki ta algo cu ta wordo tuma na serio dor di tur esnan cu tin un responsabilidad den esaki . Tin comprondi cu finalmente e barco por a bandona Aruba, despues cu tur tramitenan di seguro a keda completa, incluyendo un declaracion di culpabilidad firma pa e capitan di e barco, bou auspicio di Havenmeester, Sr. Beaujon y Sr. Benschop di Maritieme Politie.

dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter