Thursday, 30 October 2014
Minister Arthur Dowers: Cuerpo Policial ta traha y ehecuta plan di acuerdo cu cambionan den nos sociedad y e temporada di aña Print E-mail
Wednesday, 19 December 2012 22:18

minister-dowers-191212

E mandatario encarga cu e cartera di husticia, mr. drs. Arthur Dowers a splica dialuna mainta na miembronan di prensa cu Cuerpo Policial di Aruba ta planea su accionnan preventivo y su presencia di acuerdo cu cambionan di situacionnan den nos comunidad y e temporada di aña.

Pa loke ta trata e temporada di dianan di fiesta di Fin di Aña, Minister Dowers a bisa cu for di dia 28 di november Cuerpo Policial a entrega su plan di maneho pa cu esaki. E plan ta encera entre otro "mas blauw riba caya" specialmente den e area di nos hotelnan unda tin hopi mas movecion di hende - local y bishitante - den e temporada aki. Minister Dowers a subraya cu ta pa prome bes Aruba a conoce tanto polis ta patruya den area di hotelnan. Tin cuater team, cu un total di 13 polis adicional trahando den e area aki, ademas di strandpolitie, motorbrigade y Visibility Team, cual ta e cuerpo cu ta partner di polis den areanan hopi frecuenta pa turista, e mandatario a resumi. Tin sigur dos factor cu ta di gran asistencia pa polisnan den nan trabao. Un ta e cambio di ley cu ta permiti "preventief fouilleren" pa droga y esun cu ta existi pa poco tempo caba, cual ta "preventief fouilleren" pa arma. E otro ta e accionnan di control di auto, cual ta tuma luga tur parti di nos isla, cu of sin aviso previo. E chekeo di auto activo ta dunando su resultado. E accionnan ta sirbi entre otro pa desanima esnan cu tin intencion di comete actonan ilegal, pasobra tin control riba caya y pues e risico di wordo para cu substancia ilegal of kisas hasta arma ta grandi. Diferente aresto a tuma luga caba, unda cu a haya personanan entre otro cu auto horta y cu droga den auto. Minister Dowers a splica tambe cu no lo bay divulga detayenan specifico di e accionnan cu polisnan lo tuma, ni e orarionan cu nan ta patruya extra, etc. pasobra esaki lo traha contra di e mesun plan, unda cu Cuerpo Policial ta semper trahando na preveni y combati crimen den e area di hotel y rond Aruba.

Comentarionan (3)Add Comment
.......
December 20, 2012
201.229.17.203
Votes: -1
...

set di hende , dom ta duna comments sin pia y cabes. busca cos di hasi

El Zorro
December 20, 2012
201.229.90.2
Votes: +0
...

Dakota bon comentario. Antes 1 polis ta bai atende 10 pa 15 hende y ta vence nan tambe, awe bo ta haja un batayon di polis pa atende un solo persona y asina mes nan no por domine. Aki na Aruba nos a degenera por completo den tur cos. Di mil caso di l****nicia 5 ta wordu soluciona pa aña pasobra pueblo ta juda y e elogio ta: "Bon trabow di Polis" Un cas ta kima te na tera y e elogio ta: "Bon trabow di Brandweer" No falta mucho mas pa nos cuminsa come otro, pasobra turistanan ta bay stop di bin Aruba y esaki ta danki na e maneho di MEP y AVP. Un isla chikito cu ta facil pa controla, pero e boluntad pa hasie no tei pasobra tur ta depende di ilegal pa gana eleccion. No ta nada straño cu ja e 40 nan cu a keda ilegal Aruba a wordu legaliza caba. Corda cu eleccion ta otro aña.

dakota
December 20, 2012
201.229.124.53
Votes: +5
...

splicami dicon nos polis ta corre cu 3 hende den auto? dicon nos polis ariba motor ta core come 10 hunto? miedo di laga otro los? na europa i merca i rond mundo polis ta travel nan so i haci nan trabow. na aruba so tin bon bida. pero niun hende no kier bisa nada miedo di polis? tur hende ta blame Dowers pero blame nos hendenan cu ta probecha di cu politiek gezien tin miedo di bisa algo. i pesey criminal ta suta nos aruba. papia cla tur hende sa 10 motor para na Valero. esta berquenza. i l****n ta hari i horta bai goal.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter